రాజకీయ ప్రయోజనాల ఆధారంగానే యూనివర్సిటీల్లో పాలకమండలిని నియమిస్తున్నారంటూ హైకోర్టులో న్యాయవాది నిమ్మిగ్రేస్ దాఖలు చేసిన పిల్పై విచారణ జరిగింది. అన్ని యూనివర్శిటీల్లో పాలకమండలి సభ్యులను నియమించేందుకు నేతలు సిఫార్సులు చేస్తున్నారని న్యాయవాది శ్రావణ్ కుమార్ వాదనలు వినిపించారు. సిఫార్సులకు సంబంధించిన ఫైల్ వివరాలను ధర్మాసనం ముందుంచారు. వాదనలు విన్న ధర్మాసనం పాలకమండలి సభ్యులను ఏ విధంగా నియమిస్తారు? నిబంధనలు ఎలా ఉంటాయని పిటిషనర్ తరఫు న్యాయవాదిని ప్రశ్నించింది. దీనికి సంబంధించిన పూర్తి సమాచారాన్ని ఇవ్వాల్సిందిగా న్యాయవాది శ్రవణ్ కుమార్ను ఆదేశించింది. తదుపరి విచారణను ఈనెల 23వ తేదీకి వాయిదా వేసింది.
ఇదీ చదవండి: సోమశిల హైలెవల్‌ కెనాల్‌ రెండో దశ పనులకు సీఎం శంకుస్థాపన
