న్యాయమూర్తులపై అనుచిత వ్యాఖ్యల కేసు.. 4 నెలలు సమయమడిగిన సీబీఐ

హైకోర్టు, న్యాయమూర్తులపై అనుచిత వ్యాఖ్యలు చేసిన కేసులో నిందితులను ప్రశ్నించేందుకు 4 నెలల సమయం కావాలని.. న్యాయస్థానాన్ని సీబీఐ కోరింది. ఈ కేసుపై హైకోర్టులో నేడు విచారణ జరిగింది. నిందితులంతా వేర్వేరు దేశాల్లో ఉన్నారని.. అందుకే అంత సమయం కావాలని సీబీఐ విన్నవించింది. దీనిపై తదుపరి విచారణను వచ్చే ఏడాది మార్చి 31కి వాయిదా వేసింది.

హైకోర్టు, న్యాయమూర్తులపై అనుచిత వ్యాఖ్యలు చేసిన కేసుపై హైకోర్టులో విచారణ జరిగింది. సీబీఐ హైకోర్టుకు నివేదిక సమర్పించింది. ఈ కేసులో ఇప్పటికే ఎఫ్​ఐఆర్ నమోదు చేశామని సీబీఐ తరఫు న్యాయవాది న్యాయస్థానానికి తెలిపారు. నిందితులు ప్రపంచవ్యాప్తంగా వివిధ దేశాల్లో ఉన్నారని.. వారిని అదుపులోకి తీసుకుని విచారించేందుకు 4 నెలల సమయం పడుతుందని విన్నవించారు. సీబీఐకు ఆ సమయం ఇవ్వాలని కోర్టును కోరారు. దీనిపై తదుపరి విచారణను వచ్చే ఏడాది మార్చి 31కు హైకోర్టు వాయిదా వేసింది.

ఇవీ చదవండి..