ఏపీ మత్స్య కారులపై మాట్లాడుతున్న గుజరాత్ సీఎంఓ అధికారి
గుజరాత్లో చిక్కుకున్న తెలుగు మత్స్యకారులను సురక్షితంగా చూసుకుంటామని ఆ రాష్ట్ర ముఖ్యమంత్రి కార్యాలయ అధికారి అశ్విన్కుమార్ చెప్పారు. వసతి, భోజన సదుపాయాల్లో ఇబ్బంది లేకుండా చూడాలని సీఎం విజయ్రూపాని ఆదేశించినట్లు వివరించారు. చేపల వేటకు అనుమతించామని... మత్స్యకారులు రోజూవారీ పనులు చేసుకుంటూ నిశ్చింతగా ఉండవచ్చని భరోసా ఇచ్చారు.
ఈ రోజు ఉదయం.. మత్స్యకారుల అంశంపై రాష్ట్ర ముఖ్యమంత్రి జగన్.. గుజరాత్ ముఖ్యమంత్రితో మాట్లాడారు. ఏపీ మత్స్యకారులను ఆదుకోవాలని విజ్ఞప్తి చేశారు. వసతి, భోజన సదుపాయాల్లో ఇబ్బంది లేకుండా చూడాలని కోరారు. ముఖ్యమంత్రి జగన్ విజ్ఞప్తికి స్పందించిన గుజరాత్ ప్రభుత్వం ఈ మేరకు చర్యలు చేపట్టినట్టు ఆ రాష్ట్ర ముఖ్యమంత్రి కార్యాలయ అధికారి అశ్విన్కుమార్ తెలిపారు.
ఇదీ చదవండి: గుజరాత్ ముఖ్యమంత్రికి జగన్ ఫోన్‌
