Fire Accident in Keesara: కీసరలోని రసాయన పరిశ్రమలో అగ్నిప్రమాదం

తెలంగాణలోని ఓ రసాయన పరిశ్రమలో అగ్నిప్రమాదం జరిగింది. పక్కనే ఉన్న పలు పరిశ్రమలకు మంటలు అంటుకోవడంతో స్థానికులు భయాందోళనకు గురయ్యారు. అగ్నిమాపక సిబ్బంది రంగంలోకి దిగి మంటలార్పారు.

Fire Accident in Keesara : మేడ్చల్ జిల్లా కీసర మండలంలో భారీ అగ్నిప్రమాదం చోటు చేసుకుంది. రాంపల్లి వద్ద ఓ రసాయన పరిశ్రమలో మంటలు ఎగిసిపడ్డాయి. మొదట ఓ కెమికల్ ఫ్యాక్టరీలో చెలరేగిన మంటలు.. పక్కనే ఉన్న మరో పరిశ్రమకు వ్యాపించాయి. ఈ మంటల్లో పరిశ్రమలోని పరికరాలు పూర్తిగా ధ్వంసమయ్యాయి. ఒక్కసారిగా మంటలు చెలరేగడంతో భయంతో సిబ్బంది బయటకు పరుగులు తీశారు. వెంటనే పరిశ్రమ యాజమాన్యం అగ్నిమాపక సిబ్బందికి సమాచారం అందించారు.

Fire Accident in Keesara Chemical factory : హుటాహుటిన ఘటనాస్థలికి చేరుకున్న అగ్నిమాపక సిబ్బంది 5 అగ్నిమాపక యంత్రాలతో మంటలు ఆర్పారు. ఈ ప్రమాదంలో సిబ్బంది త్వరగా అప్రమత్తమవ్వడం వల్ల ప్రాణనష్టం తప్పిందని పరిశ్రమ యాజమాన్యం తెలిపింది. రూ.10 కోట్లకు పైగా ఆస్తినష్టం జరిగినట్లు పరిశ్రమ యజమాని వెల్లడించారు.