'3, 4 బ్లాక్​ల్లో ఉద్యోగులు విధులకు రావొద్దు'

అమరావతి సచివాలయంలో ఇద్దరు ఉద్యోగులకు కరోనా పాజిటివ్​ నిర్ధరణ కావడంతో 3,4 బ్లాక్​లలో పని చేసే ఉద్యోగులు సోమవారం విధులకు రావొద్దని ఉద్యోగుల సంఘం సూచించింది.

అమరావతి సచివాలయంలోని 3, 4 బ్లాక్​ల్లో పని చేసే ఉద్యోగులను సోమవారం విధులకు హాజరు కావొద్దని ఉద్యోగుల సంఘం సూచించింది. ఈ బ్లాక్​లలో సంక్షేమ, వ్యవసాయం, విద్యా, పరిశ్రమలు, జలవనరుల శాఖలతో పాటు క్యాంటీన్ నిర్వహిస్తున్నారు. 3, 4 బ్లాక్​లలో పని చేసే ఉద్యోగులలో ఇద్దరికి కరోనా పాజిటివ్ రావడంతో జాగ్రత్తలు పాటించాలని ఉద్యోగుల సంఘం అధ్యక్షుడు వెంకట్రామిరెడ్డి తెలిపారు. ప్రస్తుతం ఈ రెండు బ్లాక్​లను శానిటైజ్ చేస్తున్నామన్నారు.

కరోనా సోకిన ఉద్యోగితో సన్నిహితంగా ఉన్నవారు హోమ్ క్వారంటైన్​లో ఉండాలని విజ్ఞప్తి చేశారు. అనుమానిత లక్షణాలు ఉంటే డిస్పెన్సరీ వైద్యులను సంప్రదించాలని తెలిపారు.