తెలంగాణ రాజన్న సిరిసిల్ల జిల్లా వేములవాడ రాజన్న దర్శనానికి వచ్చిన భక్తులకు ఇబ్బందులు తప్పడం లేదు. క్యూలైన్లలో భక్తులను పోలీసులు ముప్పుతిప్పలు పెడుతున్నారు. అధికారుల కుటుంబాలకు ఎలాంటి ఆటంకాలు లేకుండా దర్శనాలు జరిగేందుకు సామాన్య ప్రజలను అవస్థలకు గురి చేస్తున్నారు.
దాదాపు రెండు గంటలకుపైగా భక్తులను క్యూలైన్లలోనే నిలబెట్టిన అధికారులు చోద్యం చూస్తున్నారు. చంటి పిల్లాడితో ఇబ్బంది పడుతున్న ఓ తండ్రి ప్రాధేయపడిన పోలీసులు వినలేదు. ఆలయంలో కనీస సౌకర్యాలు కల్పించకపోవడంపై భక్తులు ఆగ్రహం వ్యక్తం చేస్తున్నారు. క్యూలైన్లలోనే పోలీసులకు వ్యతిరేకంగా భక్తులు నినాదాలు చేశారు.
