గొల్లపూడిలో ఉద్రిక్తత... దేవినేని ఉమ అరెస్టు

రైతులను రోడ్డున పడేసిన ఈ ముఖ్యమంత్రికి ప్రజలే తగిన గుణపాఠం చెబుతారని... తెదేపా నేత దేవినేని ఉమ పేర్కొన్నారు. గొల్లపూడిలో రైతుల నిరసనకు మద్దతుగా రోడ్డుపై బైఠాయించిన దేవినేని ఉమను పోలీసులు అరెస్టు చేశారు.

విజయవాడ గ్రామీణం గొల్లపూడిలో ఉద్రిక్త వాతావరణం నెలకొంది. రాజధాని మార్పు చేయొద్దంటూ రైతులు ధర్నాకు దిగారు. జాతీయ రహదారిపైకి మహిళలు, అన్నదాతలు వేలాదిగా తరలివచ్చారు. వారిని పోలీసులు అడ్డుకోవటంతో ఉద్రిక్తత నెలకొంది. గొల్లపూడి-1 సెంటర్ ఎన్టీఆర్ విగ్రహం వద్ద రైతులతో పాటు తెదేపా నేత దేవినేని ఉమ రోడ్డుపై బైఠాయించగా.. పోలీసులు అరెస్టు చేశారు. 29 గ్రామాల ప్రజలను రోడ్డున పడేసే విధంగా వైకాపా ప్రభుత్వం వ్యవహరిస్తుందని దేవినేని మండిపడ్డారు.

ఇవీ చదవండి..