రాష్ట్రంలో గత 24 గంటల్లో 31,138 కరోనా పరీక్షలు నిర్వహించగా.. 368 కొత్త కేసులు నమోదైనట్లు వైద్య, ఆరోగ్య శాఖ ప్రకటించింది. అత్యధికంగా గుంటూరు జిల్లాలో 79, అత్యల్పంగా ప్రకాశంలో ఆరుగురికి వైరస్ సోకినట్లు పేర్కొంది. కర్నూలు 49, అనంతపురం చిత్తూరులో 40, విశాఖపట్నం 39, కృష్ణా 37, తూర్పుగోదావరి నెల్లూరులో 20, కడప శ్రీకాకుళంలో 10, పశ్చిమగోదావరి విజయనగరంలో 9 మందికి చొప్పున కొవిడ్ నిర్ధరణ అయినట్లు ప్రభుత్వం వెల్లడించింది.
263 మంది కోలుకోగా.. మహమ్మారి వల్ల ఎవరూ మరణించలేదని తెలిపింది. తాజా గణాంకాలతో కలిపి.. రాష్ట్రంలో ఇప్పటి వరకు 8,93,734 మందికి కొవిడ్ సోకింది. వారిలో 8,84,357 మంది కోలుకున్నారు. మరో 2,188 మంది బాధితులు వివిధ ఆస్పత్రుల్లో చికిత్స పొందుతున్నారు. 7,189 మంది ప్రాణాలు కోల్పోయారు.
ఇదీ చదవండి:
ఉప్పు సత్యాగ్రహం స్ఫూర్తితో 'ఉక్కు సత్యాగ్రహం' చిత్ర నిర్మాణం
