తెలుగుదేశం ప్రభుత్వ హయాంలో 7.82 లక్షల గృహ నిర్మాణాలు పూర్తయ్యాయని శాసనసభ సాక్షిగా వైకాపా ప్రభుత్వమే వెల్లడించిందని తెలుగుదేశం సీనియర్ నేత నిమ్మకాయల చినరాజప్ప గుర్తుచేశారు. చంద్రబాబు హయాంలో గృహ నిర్మాణాలు పూర్తి కాలేదని ఏ 2 ప్రజలను పక్కదారి పట్టిస్తున్నారని ఆయన మండిపడ్డారు.
నెల్లూరు జిల్లా పెన్నానది ఒడ్డున వెంకటేశ్వరపురంలో 4800, తాడేపల్లిలో 5024 ఇళ్లు గృహ ప్రవేశాలకు సిద్ధంగా ఉన్నాయని...ఈ ఇళ్లు వీరికి కనిపించడం లేదా అని చినరాజప్ప ప్రశ్నించారు. ఎస్సీ, ఎస్టీ, బీసీ, మైనార్టీలకు చెందిన 6వేల ఎకరాలను బలవంతంగా లాక్కొని.... 8 వేల కోట్ల ప్రజాధనంలో సగానికి సంగం తినేస్తున్నారని ఆయన మండిపడ్డారు.
ఇదీ చదవండి : తెదేపా కార్యకర్తకు చంద్రబాబు ఫోన్‌కాల్.. ఎందుకంటే?!
