దేశ రక్షణ వ్యవస్థలో చేతక్ హెలికాప్టర్‌ది ప్రత్యేక స్థానమని కేంద్ర రక్షణశాఖ మంత్రి రాజ్నాథ్సింగ్ అన్నారు. తెలంగాణలోని హైదరాబాద్‌ హకీంపేటలోని నిర్వహించిన చేతక్ హెలికాప్టర్ల వజ్రోత్సవ వేడుకల్లో ముఖ్య అతిథిగా పాల్గొన్నారు. వేడుకలకు ఎయిర్‌ఫోర్స్, నేవీ అధికారులు హాజరయ్యారు. చేతక్ హెలికాప్టర్లు వాయిసేనకు సుదీర్ఘకాలం విశేష సేవలందించాయని గుర్తు చేశారు. మన చేతక్ పేరు చెబితే శత్రువు గుండెల్లో గుబులు పుడుతుందని అన్నారు.
"రాణాప్రతాప్ గుర్రం పేరు చేతక్.. దాని చరిత్ర విన్నాం. మన చేతక్ పేరు చెబితే శత్రువు గుండెల్లో గుబులు ఖాయం. చూసేందుకు చిన్నదైనా చేతల్లో విధ్వంసం చేయగల సత్తా చేతక్కు ఉంది. చేతక్ హెలికాప్టర్లు.. వాయుసేనకు విశేష సేవలు అందించాయి. ఎలాంటి విపత్తు వచ్చినా చేతక్ ఉపయోగించాల్సిందే."
-రాజ్‌నాథ్‌ సింగ్, కేంద్రమంత్రి
ఇదీ చూడండి: రాజ్భవన్లో ఘనంగా ఉగాది వేడుకలు.. జాతీయ అవార్డు గ్రహీతలకు గవర్నర్ సత్కారం
