సీసీఎంబీ అనుబంధ సంస్థ..అటల్‌ ఇంక్యుబేషన్‌లోని అంకుర సంస్థ క్లోన్ డీల్స్ కరోనాను ఎదుర్కొనేందుకు సరికొత్త ప్రయోగం చేసి విజయం సాధించింది. హిమాలయాల్లో లభించే 'కార్డిసెప్స్ మిలిటరీస్' అనే పుట్టగొడుగు కరోనా వైరస్ ఆర్‌ఎన్‌ఐ వృద్ధిని నిలిపివేస్తుందని గుర్తించింది. అత్యంత పోషక విలువలు కలిగిన ఈ పుట్టగొడుగు పొడి.. పసుపులోని కర్కమిన్‌‌తో కలిపి ద్రవరూపంలో కరోనా ఎయిడ్‌ను తయారు చేశారు.
ఏఐసీలో జరిగిన సమావేశంలో సీసీఎంబీ డైరెక్టర్ రాకేశ్‌ కే మిశ్రా కరోనా ఎయిడ్‌ను ఆవిష్కరించారు. కార్యక్రమంలో ఏఐసీ సీఈఓ డాక్టర్ మధుసూదన రావు, క్లోన్ డీల్స్ సంస్థ నుంచి డాక్టర్ పందెం అయోధ్య ప్రకాశ్‌ , అతిక్ పటేల్ సహా పలువురు ప్రముఖులు పాల్గొన్నారు.
ఆహార పదార్థంగా మార్కెట్‌లోకి..
ఆహార పదార్థంగా మార్కెట్‌లోకి అందుబాటులోకి రానున్న ఈ కరోనా ఎయిడ్ మానవుల్లో రోగ నిరోధక శక్తిని పెంచనుంది. న్యూజెన్ హెర్బల్స్ ప్రైవేట్ లిమిటెడ్ ఈ కరోనా ఎయిడ్‌కు మార్కెటింగ్‌ చేయనుంది. సహజమైన ఆహారంగా చెప్పుకునే పుట్టగొడుగుల ద్వారా కరోనా ఎయిడ్ రూపొందిన నేపథ్యంలో ఇది మనుషులపై ఎలాంటి దుష్ర్పభావాలను చూపదని ఏఐసీ ప్రతినిధులు పేర్కొన్నారు.
ఇదీ చదవండి:
