దుబ్బాక ఉప ఎన్నికల్లో ప్రారంభమైన భాజపా జైత్రయాత్ర త్వరలో జరగనున్న హైదరాబాద్ నగరపాలక సంస్ధ ఎన్నికల్లో కూడా కొనసాగుతుందని భాజపా నేత, సినీనటుడు బాబు మోహన్ తిరుపతిలో అన్నారు. శ్రీవారి దర్శనం కోసం తిరుపతి వచ్చిన ఆయన భాజపా నేత జల్లి మధుసూదన్తో కలిసి మీడియా సమావేశంలో మాట్లాడారు.
తెలంగాణలో దళితులు, రైతులపై దాడులు కొనసాగుతున్నాయని ఆరోపించారు. ప్రతిపక్షంలో ఉన్నప్పుడు హైదరాబాద్ నగరంలో ఎలాంటి అభివృద్ది లేదంటూ విమర్శలు చేసిన కేసీఆర్.... ముఖ్యమంత్రి పదవి చేపట్టాక ఎలాంటి అభివృద్ధి చేశారని ప్రశ్నించారు. త్వరలో జరగనున్న తిరుపతి ఉప ఎన్నికల్లోనూ విజయం సాధించడం ద్వారా ఏపీలో భాజపా ప్రభంజనం మొదలవుతుందన్నారు.
ఇదీ చదవండి
భార్య నగ్న వీడియోలతో వ్యాపారం.. దర్యాప్తులో విస్తుపోయే అంశాలు
