చింతమనేనిపై ఐదో కేసు నమోదు..14 రోజుల రిమాండ్.

తెదేపా నేత, దెందులూరు మాజీ ఎమ్మెల్యే చింతమనేని ప్రభాకర్​పై మరో కేసు నమోదైంది. ఓ వ్యక్తిని నిర్బంధించి కొట్టిన కేసులో పోలీసులు కోర్టులో హాజరుపర్చారు. ఆయనకు జిల్లా ఎక్సైజ్ కోర్టు 14 రోజుల రిమాండ్ విధించింది.

దెందులూరు మాజీ ఎమ్యెల్యే చింతమనేని ప్రభాకర్‌పై మరో కేసు నమోదైంది. పెదవేగిలో మోడికొండ మురళీకృష్ణ అనే వ్యక్తిని నిర్బంధించి కొట్టాడని ఫిర్యాదు అందింది. 2018లో జరిగిన ఈ ఘటనపై ప్రస్తుతం పోలీసులు కేసు నమోదు చేశారు. ఏలూరు కారాగారంలో ఉన్న చింతమనేనిని జిల్లా ఎక్సైజ్ కోర్టు న్యాయమూర్తి ముందు పోలీసులు హాజరుపర్చారు. ఈ కేసులో కోర్టు 14 రోజులపాటు రిమాండ్ విధించింది. ఇప్పటికే 4 కేసుల్లో చింతమనేని రిమాండ్‌లో ఉన్నారు. ఇప్పటివరకు నమోదైన కేసుల్లో రేపు బెయిల్ వచ్చే అవకాశం ఉండటంతో తాజాగా మరో కేస నమోదు చేశారని తెదేపా నేతలు ఆరోపిస్తున్నారు.