రాజధాని అమరావతిలోని హైకోర్టు ప్రాంగణంలో 29 కోట్ల రూపాయలతో నూతన భవనాన్ని నిర్మించేందుకు అమరావతి మెట్రోపాలిటన్‌ రీజియన్‌ డెవలప్‌మెంట్‌ అథారిటీ (ఏఎంఆర్డీఏ) టెండర్ల కోసం నోటిఫికేషన్ జారీ చేసింది. 14కోర్టు హాళ్లు, న్యాయమూర్తుల చాంబర్లు తదితరాల కోసం సుమారు 76 వేల చదరపు అడుగుల బిల్టప్‌ ఏరియాతో నిర్మించేందుకు ఈ టెండర్లు పిలిచారు. ప్రస్తుతానికి జీ+3 అంతస్థులతో ఈ భవన నిర్మాణాన్ని చేపట్టనున్నారు. హైకోర్టు నిర్మాణానికి సంబంధించిన టెండర్‌ కం రివర్స్‌ ఆక్షన్‌ టెండర్లను తగిన అర్హతలున్న సంస్థలు 16నుంచి వచ్చే నెల 1లోపు దాఖలు చేయాలని ఏ ఎం ఆర్ డీఏ పేర్కొంది. రాజధాని గ్రామాల్లో పారిశుధ్య పనులకు సంబంధించిన టెండర్ల ప్రక్రియను ఏఎంఆర్డీయే చేపట్టింది. సుమారు రూ.5.32 కోట్ల అంచనా వ్యయంతో 2 టెండర్లను ఆహ్వానించింది.
ఇదీ చదవండి:
CM Jagan: ఉద్యాన రైతుల ఆదాయం పెంచేందుకు చర్యలు చేపట్టండి: సీఎం జగన్
