Ambulance Theft: రంగారెడ్డి జిల్లా హయత్నగర్ ఎమ్మార్వో ఆఫీస్ ప్రాంగణంలో పార్క్ చేసిన 108 అంబులెన్స్ను మంగళవారం అర్ధరాత్రి ఓ వ్యక్తి చోరీ చేశాడు. వాహనం దొంగతనానికి గురైందని గమనించిన సిబ్బంది పోలీసులకు సమాచారం అందించారు. వాహనానికి ఉన్న జీపీఎస్ ఆధారంగా నల్లగొండ జిల్లా తిప్పర్తి సమీపంలో అంబులెన్స్ ఉందని పోలీసులు గుర్తించారు. దీంతో సమీపంలోని టోల్గేట్ సిబ్బందిని అప్రమత్తం చేశారు. అంబులెన్స్ను గుర్తించిన స్థానిక పోలీసులు నిందితుడిని అదుపులోకి తీసుకున్నారు. ఈ ఘటనపై దర్యాప్తు చేసిన పోలీసులు.. దొంగతనం చేసిన వ్యక్తితో పాటు అంబులెన్స్ డ్రైవర్, సిబ్బందిపైనా కేసులు నమోదు చేశారు.
ఇవీ చదవండి: గాలి జనార్దన్‌రెడ్డి బెయిల్‌ రద్దు చేయాలని సుప్రీంకోర్టుకు సీబీఐ విజ్ఞప్తి..
