దీక్షలు కనిపించడం లేదా?
సీఎం జగన్‌ను కలిసేందుకు వచ్చిన చిరంజీవి, నాగార్జున, సురేష్‌బాబు, రాజమౌళి, దిల్‌ రాజు, సి.కల్యాణ్‌ తదితర తెలుగు సినీ ప్రముఖులు ఉండవల్లి కరకట్టపై ఉన్న గోకరాజు గంగరాజు అతిథి గృహంలో బస చేశారు. ఈ విషయం తెలిసి 40 మందికి పైగా రాజధాని ప్రాంత మహిళలు, రైతులు అక్కడికి చేరుకున్నారు. ఎలాంటి ఆందోళనలకూ అనుమతి లేదని వారికి పోలీసులు చెప్పారు. అమరావతి ఉద్యమానికి సినీ ప్రముఖుల మద్దతు, సంఘీభావం కోరేందుకు వెళ్తున్నామని రైతులు వివరించారు. అందుకు పోలీసులు నిరాకరించారు. అరగంట నిరసన తెలిపాక రైతులు వెనుదిరిగారు.
మద్దతు తెలిపేందుకు ఎందుకంత భయం: బీజేవైఎం
న్యాయం కోసం 6 నెలలుగా ఉద్యమిస్తున్న అమరావతి రైతులకు సంఘీభావం తెలిపేందుకు తెలుగు సినీ పరిశ్రమ పెద్దలు ఎందుకు భయపడుతున్నారని బీజేవైఎం రాష్ట్ర అధ్యక్షుడు రమేశ్‌నాయుడు ప్రశ్నించారు. ‘ఆర్థిక ప్రయోజనాలు, భూములను తప్ప సినీ పరిశ్రమ పెద్దలు ఎప్పుడైనా సామాజిక సమస్యల్ని పట్టించుకున్నారా? సీఎం జగన్‌తో సమావేశమైనప్పుడు ఆంధ్రప్రదేశ్‌ రాజధాని ఎక్కడని వారంతా అడగాల్సింది’ అని మంగళవారం ఓ ప్రకటనలో పేర్కొన్నారు.
