జగన్​ వంద రోజుల పాలన భేష్​: తెలంగాణ మంత్రి

జగన్​ వందరోజుల పాలన చాలా బాగుందని తెలంగాణ మంత్రి నిరంజన్​రెడ్డి అన్నారు. ఏపీని మరింత అభివృద్ధి పథంలో నడిపించాలని ఆకాంక్షించారు.

సీఎం జగన్​ వందరోజుల పాలన బాగుందని తెలంగాణ వ్యవసాయశాఖ మంత్రి సింగిరెడ్డి నిరంజన్​రెడ్డి కితాబిచ్చారు. రాష్ట్రాభివృద్ధికి జగన్ ఎంతో కృషిచేస్తున్నారని అభిప్రాయపడ్డారు.​ గురువారం ఏపీలో పర్యటించిన ఆయన... విశాఖపోర్ట్, గంగవరంపోర్టులను సందర్శించారు. ఈ రెండు పోర్టుల నుంచి యూరియా సత్వర రవాణాకు ఏపీ అధికారులు పూర్తి సహకారం అందిస్తామని హామీ ఇచ్చారని నిరంజన్​రెడ్డి తెలిపారు. యూరియా, ఎరువుల రవాణాకు అన్ని మార్గాలను ఉపయోగించుకుంటున్నామని తెలిపారు. యూరియా సత్వర రవాణాకు పోర్ట్​ నుంచి సంపూర్ణ సహకారం ఉంటుందని హామీ ఇచ్చిన గంగవరం పోర్టు సీఈఓ నండూరి సాంబశివరావుకి ధన్యవాదాలు తెలిపారు. విశాఖ పోర్ట్ అధికారులతో తెలంగాణ మంత్రి బృందం సమావేశమైంది. గంగవరం పోర్టులో వియత్నాం నుంచి వచ్చిన యూరియా నౌకను సందర్శించారు.

ఇవీ చూడండి: బాలాపూర్​ లడ్డూ రికార్డు బద్దలు కొట్టిన ఫిలింనగర్​ లడ్డూ...!