తెలంగాణ: ప్రియుడితో అడ్డంగా దొరికిపోయిన భార్య.. భర్త ఏం చేశాడంటే..?

వివాహేతర సంబంధం ఒకరి ప్రాణాలను బలిగొన్న ఘటన తెలంగాణ రాష్ట్రం నిజామాబాద్ జిల్లాలో జరిగింది. కేసు నమోదు చేసుకున్న పోలీసులు విచారణ చేపట్టారు.

తెలంగాణ రాష్ట్రం నిజామాబాద్​లో ఓ వివాహేతర సంబంధం ఒకరి ప్రాణాలను బలిగొంది. నగరంలోని ఆర్యనగర్​లో ఉమాకాంత్​ అనే వ్యక్తి భార్యతో పాటు ఉంటున్నాడు. శనివారం రాత్రి బయటకు వెళ్లి ఇంటికి వచ్చేసరికి అతని భార్య.. సాల్మాన్ రాజ్(24) అనే వ్యక్తితో ఉంది.

భార్య వేరొకరితో ఉండడం చూసిన ఉమాకాంత్..​ ఆవేశంతో సాల్మాన్ రాజ్ తలపై రాడ్​తో దాడి చేశాడు. ఈ ఘటనలో సల్మాన్​ రాజు అక్కడికక్కడే మృతి చెందాడు. అనంతరం నిందితుడు పోలీసులకు లొంగిపోయాడు. కేసు నమోదు చేసుకున్న పోలీసు విచారణ జరుపుతున్నారు.

ఇదీ చదవండి: తాగినమైకంలో ఏటీఎం చోరీకి యత్నం... స్థానికుల దేహశుద్ధి