- విశాఖకు ప్లాటినం అవార్డు
విశాఖ రైల్వే స్టేషన్కు ప్లాటినం ర్యాంకింగ్ లభించింది. ఇండియన్ గ్రీన్ బిల్డింగ్ కౌన్సిల్ (ఐజీబీసీ) నిర్వహించిన.. గ్రీన్ రైల్వే స్టేషన్ రేటింగ్లో ఈ ర్యాంకింగ్ సాధించింది. హరిత పద్ధతులు పాటించడం ద్వారా పర్యావరణహితమైన చర్యల అమలులో విశాఖ దేశంలోనే ముందువరుసలో నిలిచింది. పూర్తి వివరాలకు ఈ లింక్ క్లిక్ చేయండి.
- వేగంగా వ్యాప్తి
రాష్ట్రంపై కరోనా ప్రభావం కొనసాగుతోంది. వరుసగా 8వ రోజూ.. 10 వేలకు పైగా పాజిటివ్ కేసులు నమోదయ్యాయి. ఇవాళ ఒక్కరోజే.. 10, 199 మందికి కరోనా సోకగా.. మొత్తం బాధితుల సంఖ్య 4, 65, 730కి చేరింది. పూర్తి వివరాలకు ఈ లింక్ క్లిక్ చేయండి.
- గోదావరికి మళ్లీ వరద
గోదావరి నదికి వరద ప్రవాహం క్రమంగా పెరుగుతోంది. ధవళేశ్వరం ఆనకట్ట ప్రస్తుత నీటి మట్టం 10.5 అడుగులకు చేరింది. ఈ వరదలతో దేవీపట్నం మండలంలోని పలు గ్రామాలు ముంపు బారిన పడ్డాయి. పూర్తి వివరాలకు ఈ లింక్ క్లిక్ చేయండి.
- కొన్ని పెరిగాయ్.. మరికొన్ని తగ్గాయ్!
రాష్ట్రంలో మద్యం ధరలను సవరిస్తూ ప్రభుత్వం ఉత్తర్వులు జారీ చేసింది. ఇతర రాష్ట్రాల నుంచి మద్యం అక్రమ రవాణాను అడ్డుకట్ట వేసేందుకు మద్యం ధరలను సవరించాలన్న ఎస్ఈబీ సిఫార్సుతో ప్రభుత్వం ఈ నిర్ణయం తీసుకుంది. పూర్తి వివరాలకు ఈ లింక్ క్లిక్ చేయండి.
- రావత్ కీలక వ్యాఖ్యలు
చైనాతో సరిహద్దు వివాదం నేపథ్యంలో త్రివిధ దళాల అధిపతి జనరల్ బిపిన్ రావత్ కీలక వ్యాఖ్యలు చేశారు. ఇప్పటికిప్పుడు ఎలాంటి సవాలునైనా ఎదుర్కొనేందుకు భారత సాయుధ బలగాలు సిద్ధంగా ఉండాలని పిలుపునిచ్చారు. పూర్తి వివరాలకు ఈ లింక్ క్లిక్ చేయండి.
- భార్యను బలి ఇచ్చి.. ఆపై ఇంట్లోనే పాతిపెట్టి...
దేవతను ప్రసన్నం చేసుకోవాలన్న దురాశతో భార్యనే బలిచ్చాడు ఓ కర్కశుడు. 50 ఏళ్ల ఆ వ్యక్తి తన భార్యను నరికి... శవాన్ని ఇంట్లోనే పాతిపెట్టాడు. మధ్యప్రదేశ్ సింగ్రోలీ జిల్లాలో జరిగిన ఈ ఘటన గురువారం వెలుగులోకి వచ్చింది. పూర్తి వివరాలకు ఈ లింక్ క్లిక్ చేయండి.
- 'ప్లాన్ బీ' తో కరోనాకు చెక్!
కరోనా వైరస్పై పోరులో.. ప్రత్యేక రకమైన ప్రోటీన్లను ఉత్పత్తి చేసే వ్యాక్సిన్ సమర్థంగా పనిచేస్తోందని తాజా పరిశోధనలో తేలింది. ఇందుకోసం ఎలుకలపై ప్రయోగాలు చేశారు పరిశోధకులు. పూర్తి వివరాలకు ఈ లింక్ క్లిక్ చేయండి.
- భారత రోడ్లపై త్వరలోనే విద్యుత్ కార్ల జోరు!
భారత్లో ఇతర దేశాల సగటుకన్నా.. రెండేళ్ల ముందే (2022 నాటికి) విద్యుత్ కార్లను కొనుగులు చేసేందుకు ఎక్కువ మంది మొగ్గుచూపుతున్నట్లు తెలుస్తోంది. క్యాస్ట్రాల్ చేసిన ఓ సర్వేలో ఈ విషయం వెల్లడైంది. పూర్తి వివరాలకు ఈ లింక్ క్లిక్ చేయండి.
- 'హార్డ్ హిట్టింగ్ నెట్ సెషన్.. తర్వాత చిల్లింగ్'
ఐపీఎల్ కోసం బెంగళూరు రాయల్ ఛాలెంజర్స్ సిద్ధమవుతోంది. విరాట్ కోహ్లీ సారథ్యంలో ఆటగాళ్లు నెట్స్లో చెమట చిందిస్తున్నారు. తాజాగా దీనికి సంబంధించిన ఫొటోలను నెట్టింట షేర్ చేశాడు విరాట్. పూర్తి వివరాలకు ఈ లింక్ క్లిక్ చేయండి.
- సోమవారానికి శుభవార్త!
కరోనాతో పోరాడుతోన్న ప్రముఖ గాయకుడు ఎస్పీ బాలసుబ్రహ్మణ్యం ఆరోగ్యం నిలకడగా ఉందని ఆయన తనయుడు ఎస్పీ చరణ్ తెలిపారు. సామాజిక మాధ్యమాల్లో ఓ వీడియో విడుదల చేసి ఈ విషయాన్ని వెల్లడించారు. పూర్తి వివరాలకు ఈ లింక్ క్లిక్ చేయండి.
