శంషాబాద్‌ విమానాశ్రయంలో భారీగా బంగారం పట్టివేత

శంషాబాద్‌ విమానాశ్రయంలో మరోసారి భారీగా బంగారం పట్టుబడింది. దుబాయ్​ నుంచి వచ్చిన ముగ్గురు ప్రయాణికులను అదుపులోకి తీసుకున్నారు.

తెలంగాణలోని శంషాబాద్ విమానాశ్రయంలో డీఆర్‌ఐ అధికారులు భారీగా బంగారాన్ని పట్టుకున్నారు. రూ.1.85 కోట్ల విలువైన 4.9 కిలోల బంగారు బిస్కట్లను ముగ్గురి నుంచి స్వాధీనం చేసుకున్నారు. దుబాయ్‌ నుంచి వచ్చిన ప్రయాణికులు అక్రమంగా బంగారు బిస్కట్లను తీసుకొచ్చారని అధికారులు పేర్కొన్నారు. ఈ ముగ్గురిని అదుపులోకి తీసుకొని విచారిస్తున్నట్లు అధికారులు తెలిపారు.