దిల్లీ-ముంబయి ఎక్స్​ప్రెస్​ హైవేతో పెట్టుబడులకు అవకాశం

రూ. లక్ష కోట్ల వ్యయంతో దిల్లీ-ముంబయి మహానగరాల మధ్య చేపట్టబోయే ఎక్స్​ప్రెస్ రహదారి వెంట.. భారీ పెట్టుబడులకు అవకాశం ఉందన్నారు కేంద్ర రవాణా శాఖమంత్రి నితిన్ గడ్కరీ. ఇంజినీర్లు, ఆర్కిటెక్టులు, పట్టణ ప్రణాళిక అసోసియేషన్​తో నిర్వహించిన వీడియో కాన్ఫరెన్స్​లో ఈ రహదారి వెంట వ్యాపార అవకాశాలపై పలు అంశాలను వెల్లడించారు. పెట్టుబడులు పెట్టేందుకు వ్యాపారులు ముందుకు రావాలని పిలుపునిచ్చారు.

మహా నగరాలు దిల్లీ-ముంబయి మధ్య రూ. లక్ష కోట్లతో చేపట్టనున్న ఎక్స్​ప్రెస్ హైవే నిర్మాణంతో పెట్టుబడిదారులకు భారీ అవకాశాలు రానున్నట్లు తెలిపారు కేంద్ర రవాణా శాఖమంత్రి నితిన్ గడ్కరీ. ఈ రహదారి వెంట రానున్న టౌన్​షిప్​లు, స్మార్ట్​ విలేజీలు, రహదారి పక్కన నిర్మాణాల్లో పెట్టుబడులు పెట్టేందుకు ముందుకు రావాలని క్రీడాకారులను ఆహ్వానించారు. ఇంజినీర్లు, ఆర్కిటెక్టులు, పట్టణ ప్రణాళిక అసోసియేషన్​తో నిర్వహించిన వీడియో కాన్ఫరెన్స్​లో ఆయా అంశాలను పేర్కొన్నారు గడ్కరీ.

దిల్లీ నుంచి ముంబయికి వెళ్లేందుకు 12 గంటల మేర ప్రయాణ సమయం తగ్గించనున్న ఈ రహదారి వెంట.. లెదర్, ప్లాస్టిక్, రసాయనాల పరిశ్రమలు సహా ఇతర సంస్థల ఏర్పాటుకు వ్యాపారవర్గాలు ముందుకు రావాలని పిలుపునిచ్చారు మంత్రి.

"ఈ నూతన రహదారి హరియాణా, రాజస్థాన్, గుజరాత్, మధ్యప్రదేశ్​లో తీవ్రంగా వెనకబడిన ప్రాంతాల గుండా సాగుతుంది. ఇప్పటికే అభివృద్ధి చెందిన ప్రాంతాలపై ఒత్తిడి తగ్గించాల్సిన అవసరం ఉంది. ఈ రహదారి వ్యాపార వర్గాలకు అనేక పెట్టుబడి అవకాశాలు కల్పిస్తుంది."

-నితిన్ గడ్కరీ

స్మార్ట్​ సిటీలపై పెట్టుబడుల దిశగా..

చిన్న, మధ్యతరహా పరిశ్రమలకు ఊతమిచ్చే దిశగా స్మార్ట్ సిటీలు, స్మార్ట్​ విలేజీల్లో, రహదారి పక్కన ఏర్పాటయ్యే రెండువేల వ్యాపారాలు, లాజిస్టిక్ పార్కుల్లో పెట్టుబడులకు వ్యాపారులు ముందుకు రావాలని పిలుపునిచ్చారు గడ్కరీ.

గృహ నిర్మాణాల కోసం..

ఈ ఎక్స్​ప్రెస్ రహదారి వెంట తక్కువ ధరతో గృహ నిర్మాణ ప్రాజెక్టులు నెలకొల్పాలని, ఈ ప్రక్రియను వ్యర్థాలను ఉపయోగించి చేపట్టాలని చెప్పారు. అయితే నాణ్యతలో రాజీ పడకూడదని ఉద్ఘాటించారు.

ఇదీ చూడండి: హనీమూన్​కు వెళ్లాల్సిన నవజంటకు క్వారంటైన్​!