Whatsapp new features: ఇన్స్టంట్ మెసెంజర్ యాప్ల నుంచి పోటీని దృష్టిలో పెట్టుకుని వినియోగదారుల కోసం మరిన్ని కొత్త ఫీచర్లను తీసుకొస్తోంది వాట్సాప్. త్వరలోనే వీటిని ఐఓఎస్, ఆండ్రాయిస్ యూజర్లకు అందుబాటులోకి తేనుంది. వీటిలో టాప్ 5 కొత్త ఫీచర్ల వివరాలు ఆన్లైన్లో లీక్ అయ్యాయి. అవేంటంటే..
కొత్త కాలింగ్ ఇంటర్ఫేస్
వాట్సాప్లో అత్యంత ఆదరణ పొందిన ఫీచర్ వాయిస్ కాల్, వీడియో కాల్. మొబైల్ డేటా లేదా వైఫై ద్వారా ఇతరులకు కాల్ చేసే సౌకర్యం ఈ ఫీచర్ కల్పిస్తోంది. అయితే కొత్త ఫీచర్లో ఈ కాలింగ్ ఇంటర్ఫేస్ను అధునాతనంగా, ఆకర్షణీయంగా తీర్చిదిద్దనుంది వాట్సాప్. ప్రత్యేకించి గ్రూప్ కాల్స్ సమయంలో ఇంటర్ఫేస్ ఇంకా బాగా కన్పించనుందని సమాచారం. బాటమ్లో ఉండే బటన్లు మాత్రం అలాగే ఉండనున్నట్లు తెలుస్తోంది. ఆండ్రాయిడ్, ఐఓఎస్ బీటా అప్డేట్లో ఈ కొత్త ఫీచర్ అందుబాటులోకి రానుంది.
whatspp encryption indicators
ఎన్క్రిప్షన్ ఇండికేటర్స్..
మరో ఫీచర్లో వాట్సాప్ చాట్, కాలింగ్ ఎండ్-టు-ఎండ్ ఎన్క్రిప్టెడ్ అని తెలిసేలా యూజర్లకు కొత్త ఇండికేటర్లు కన్పించనున్నాయి. మొదట ఈ ఫీచర్ను ఆండ్రాయిడ్ ఐఓఎస్ బీటా యూజర్లకు, ఆ తర్వాత అందరికీ అందుబాటులోకి తేనున్నారు.
Whatsapp quick replies
క్విక్ రిప్లై
వాట్సాప్ బిజినెస్ యాప్లో క్విక్ రిప్లై షార్ట్కట్ను యాడ్ చేయనుంది సంస్థ. దీంతో ఈ యాప్ వినియోగించే యూజర్లు తమ కస్టమర్లకు కొన్ని ప్రీసెట్ సందేశాలను వేగంగా పంపొచ్చు. వాట్సాప్ బిజినెస్ యూజర్లు '/' ను టైప్ చేసి ప్రీసెట్ సందేశాలను ఎంపిక చేసుకోవచ్చు. ఈ ఫీచర్ కుడా మొదట ఆండ్రాయిడ్, ఐఓఎస్ బీటా యాజర్లకు, ఆ తర్వాత మిగతా వినియోగదారులకు అందుబాటులోకి రానుంది.
whatsapp group admin powers
అడ్మిన్ పవర్ఫుల్
త్వరలో గ్రూప్ అడ్మిన్లకు మరిన్ని అధికారాలు ఇవ్వనుంది వాట్సాప్. గ్రూప్లోని ఇతర సభ్యులు పంపిన సందేశాలను డిలీట్ చేసే వీలును కల్పించనుంది. సభ్యుల అనుచిత ప్రవర్తనను నియంత్రించేందుకు ఈ ఫీచర్ను తీసుకొస్తోంది. అయితే అడ్మిన్ డిలీట్ చేసిన మెసేజ్ల నోటీసు కాస్త భిన్నంగా కన్పించనుంది.
కమ్యూనిటీస్..
కొత్త కమ్యూనిటీ క్రియేట్ చేసే సదుపాయాన్ని కూడా వాట్సాప్ కల్పించనుంది. అడ్మిన్.. కమ్యూనిటీ ఇన్వైట్ లింక్ ద్వారా సభ్యులను ఆహ్వానించవచ్చు. ఆ తర్వాత ఇతర సభ్యులకు సందేశాలు పంపొచ్చు. ఈ కమ్యూనిటీల ద్వారా ఒక గ్రూప్లో మరో గ్రూప్ను కూడా క్రియేట్ చేసే సదుపాయం అడ్మిన్కు ఉంటుంది. సాధారణ గ్రూప్లకు, కమ్యూనిటీలకు తేడా స్పష్టంగా తెలిసేలా ఈ ఫీచర్ను డిజైన్ చేసింది.
Whatsapp new update
వీటితో పాటు మరిన్ని ఫీచర్లను వాట్సాప్ త్వరలో యూజర్ల కోసం తీసుకురానుంది. ఇవన్నీ మొదట ఆండ్రాయిడ్, బీటా యూజర్లకు ఆ తర్వాత అందరికీ అందుబాటులోకి వస్తాయి.
ఇదీ చదవండి: టెస్లా నుంచి గేమింగ్‌ స్మార్ట్‌ఫోన్‌- ధర ఎంతంటే?
