Stock market news: స్టాక్ మార్కెట్లు బుధవారం కూడా భారీ లాభాలను ఆర్జించాయి. అంతర్జాతీయంగా సానుకూల పరిస్థితులు, కేంద్ర బడ్జెట్లో కొత్త పన్నులు లేకపోవడం మదుపర్లను కొనగోళ్ల వైపు మొగ్గుచూపేలా చేశాయి. ఆర్థిక వ్యవస్థ రికవరీ, బడ్జెట్లో మౌలిక వసతుల వ్యయం భారీగా పెంచడం వంటి అంశాలు మార్కెట్ సెంటిమెంట్ను బలోపేతం చేశాయి. దీంతో సెన్సెక్స్ 696 పాయింట్లు వృద్ధి చెంది 59,558కి చేరింది. నిఫ్టీ 203 పాయింట్లు మెరుగుపడి 17,780కి పెరిగింది.
ఇంట్రాడే..
బుధవారం ఉదయం ప్రారంభమైనప్పటి నుంచి సెన్సెక్స్ లాభాల బాటలోనే నడిచింది. ఓపెనింగ్ సెషన్లో 59,293 నుంచి 100 పాయింట్లు కోల్పోయి.. అనంతరం మళ్లీ కోలుకుని 59 వేల 500 పాయింట్లకుపైగా దూసుకెళ్లింది. చివరకు 59,558 వద్ద స్థిరపడింది. బుధవారం సెషన్లో సెన్సెక్స్ 59,193 అత్యల్ప స్థాయిని, 59,583 అత్యధిక స్థాయిని తాకింది. నిఫ్టీ 17,788 పాయింట్ల గరిష్ఠాన్ని, 17,674 పాయింట్ల కనిష్ఠాన్ని తాకింది.
లాభనష్టాల్లోనివి..
అత్యధికంగా ఇండస్ ఇండ్, బజాజ్ ఫిన్సర్వ్ షేర్లు 5శాతానికి పైగా లాభపడ్డాయి. కోటక్ బ్యాంక్, యాక్సిస్ బ్యాంక్, ఐటీసీ, డా.రెడ్డీస్ షేర్లు 2శాతానికిపైగా వృద్ధి చెందాయి.
టెక్ మహీంద్రా, అల్ట్రాటెక్ సిమెంట్, మారుతి, నెస్లీ షేర్లు ఒక్క శాతం వరకు నష్టపోయాయి.
సంబంధం కోసం వెతుకుతున్నారా? తెలుగు మాట్రిమోనిలో రిజిస్ట్రేషన్ ఉచితం!
ఇదీ చదవండి: డియర్ ప్యాసింజర్స్.. వెల్కమ్.! రతన్ టాటా స్పెషల్ మెసేజ్
