ఆరు రోజుల నష్టాల నుంచి వారాంతంలో తేరుకున్నాయి స్టాక్ మార్కెట్లు. శుక్రవారం సెషన్లో బీఎస్ఈ-సెన్సెక్స్ రికార్డు స్థాయిలో 835 పాయింట్లు పెరిగి.. 37,389 వద్ద స్థిరపడింది. ఎన్ఎస్ఈ-నిఫ్టీ 245 పాయింట్ల లాభంతో11,050 వద్దకు చేరింది.
అంతర్జాతీయ మార్కెట్ల సానుకూలతలు, బిహార్ శాసనసభ ఎన్నికలకు షెడ్యూల్ విడుదలైన నేపథ్యంలో మదుపరులు భారీగా కొనుగోళ్లకు దిగటం లాభాలకు కారణంగా తెలుస్తోంది.
ఇంట్రాడే సాగిందిలా
సెన్సెక్స్ 37,471 పాయింట్ల అత్యధిక స్థాయి, 36,730 పాయింట్ల అత్యల్ప స్థాయిలను నమోదు చేసింది.
నిఫ్టీ 11,073 పాయింట్ల గరిష్ఠ స్థాయి;10,855 పాయింట్ల కనిష్ఠ స్థాయిల మధ్య కదలాడింది.
లాభనష్టాల్లోనివి ఇవే..
30 షేర్ల ఇండెక్స్లో ఇన్ని కంపెనీలు లాభాలను నమోదు చేయడం గమనార్హం.
బజాజ్ ఫిన్సర్వ్, హెచ్సీఎల్టెక్, భారతీ ఎయిర్టెల్, ఇండస్ఇండ్ బ్యాంక్, ఎల్&టీ, ఇండస్ఇండ్ బ్యాంక్ షేర్లు ప్రధానంగా లాభాల్లో ఉన్నాయి.
ఆసియా మార్కెట్లు..
ఆసియాలో ఇతర ప్రధాన మార్కెట్లు అయిన టోక్యో, సియోల్ సూచీలు శుక్రవారం లాభపడ్డాయి. షాంఘై, హాంకాంగ్ సూచీలు నష్టపోయాయి.
రూపాయి, ముడి చమురు
కరెన్సీ మార్కెట్లో రూపాయి శుక్రవారం 28 పైసలు పెరిగింది. డాలర్తో పోలిస్తే మారకం విలువ 73.61 వద్దకు చేరింది.
ముడి చమురు ధరల సూచీ-బ్రెంట్ 0.31 శాతం పెరిగింది. అంతర్జాతీయ మార్కెట్లో బ్యారెల్ ముడి చమురు ధర 42.07 డాలర్లుగా ఉంది.
ఇదీ చూడండి:డెంగ్యూ వ్యాక్సిన్ అభివృద్ధిలో పురోగతి.. త్వరలో మార్కెట్లోకి!
