తాళం వేసిన ఇంట్లో 18 తులాల బంగారం చోరీ

విశాఖ జిల్లా జల్లూరుకు చెందిన ఓ చిరువ్యాపారి ఇంట్లో చోరీ జరిగింది. బంధువులు ఇంటికి శుభకార్యానికి వెళ్లి వచ్చేసరికీ..దుండగులు వ్యాపారి ఇంట్లో దొంగతనం చేశారు.

విశాఖ జిల్లా కోట ఉరట్ల మండలం జల్లూరులోని ఓ చిరు వ్యాపారి ఇంట్లో చోరీ జరిగింది. ఇంట్లోని 18 తులాల బంగారం, 40 తులాల వెండిని గుర్తు తెలియని వ్యక్తులు అపహరించుకుపోయారు. గ్రామానికి చెందిన కాశీ నాయుడు అనేవ్యక్తి తన కుటుంబంతో కలిసి బంధువుల ఇంట్లో శుభకార్యానికి వెళ్లారు. తిరిగి శుక్రవారం ఇంటికి వచ్చి చూసుకునే సరికి వస్తువులు చిందరవందరగా పడి ఉండటం చూసి పోలీసులకు ఫిర్యాదుచేశారు. ఈ మేరకు క్లూస్ టీమ్ దర్యాప్తు చేపట్టింది.

ఇదీ చదవండి : చైనా పర్యటనకు మంత్రి గౌతమ్ రెడ్డి