వ్యర్థాల నుంచి విద్యుదుత్పత్తికి ప్లాంట్ల ఏర్పాటు

పట్టణాల్లో చెత్త, వ్యర్థాల సమస్యకు శాశ్వత పరిష్కారం కనుగొనే దిశగా ప్రభుత్వ చర్యలు - వ్యర్థాల నుంచి విద్యుత్తును ఉత్పత్తి చేసే ప్లాంట్లు ఏర్పాటు

Electrification Activity To Waste: రాష్ట్రంలో రోజుకు దాదాపు 6,890 టన్నుల వ్యర్థాలు పట్టణాలల్లో రోడ్లమీదకు వస్తున్నాయి. ఇందులో సుమారు 1,800 టన్నుల చెత్తను రెండు విద్యుదుత్పత్తి కేంద్రాలకు తరలిస్తున్నారు. 2,545 టన్నులు సేంద్రియ ఎరువుల తయారీ, సిమెంట్‌ ప్లాంట్లకు తరలి వెళుతోంది. మిగలిన 50% వ్యర్థాలు రోజూ డంపింగ్‌ యార్డులకు చేరుతున్నాయి.ఈ విధంగా డంపింగ్‌ యార్డుల్లో 85 లక్షల టన్నుల దాకా వ్యర్థాలు పేరుకుపోయాయి.

డంపింగ్‌ యార్డులకు బదులు ప్లాంట్లు: పట్టణాల్లో చెత్త, వ్యర్థాల సమస్యకు శాశ్వత పరిష్కారం కనుగొనే దిశగా కూటమి ప్రభుత్వం చర్యలను ప్రారంభించింది. ఇందుకుగాను వ్యర్థాల నుంచి విద్యుత్తును ఉత్పత్తి చేసే ప్లాంట్లను ప్రైవేటు రంగంలో ఏర్పాటు చేసేందుకు ప్రయత్నిస్తోంది. ప్రస్తుతం ఇలాంటి ప్లాంట్లు విశాఖపట్నం, గుంటూరులో ఉన్నాయి. అందుకోసం రాజమహేంద్రవరం, నెల్లూరు, కర్నూలులో అదనంగా మరో మూడు ప్లాంట్లు ఏర్పాటయ్యేలా చర్యలు తీసుకుంటోంది. ఇందుకోసం జిందాల్‌ సంస్థతో ప్రభుత్వం సంప్రదిస్తోంది. పట్టణాల్లో రోజూ వచ్చే వ్యర్థాలు డంపింగ్‌ యార్డులకు బదులు నేరుగా ప్లాంట్లకు వెళ్లేలా ప్రభుత్వం కార్యాచరణ ప్రణాళికలను సిద్ధం చేస్తోంది.

పన్నుల భారాన్ని మోపిన స్వచ్ఛ ఆంధ్రప్రదేశ్: గతంలో టీడీపీ ప్రభుత్వ హయాంలో వ్యర్థాల నుంచి విద్యుత్తు ఉత్పత్తికి ఆరు ప్లాంట్లను ఏర్పాటు చేసింది. విశాఖ, గుంటూరులోని రెండు ప్లాంట్లకూ అప్పట్లోనే భూమిపూజ సైతం జరిగింది. తర్వాత 2019 లో వచ్చిన వైఎస్సార్సీపీ ప్రభుత్వం పట్టించుకోకపోవడంతో మిగతా ప్రాంతాల్లో ప్లాంట్ల ఏర్పాటు కాగితాలకే పరిమితమైంది. స్వచ్ఛ ఆంధ్రప్రదేశ్‌ పేరుతో ఇళ్ల నుంచి చెత్త సేకరించే కార్యక్రమాన్ని గత ప్రభుత్వం చేపట్టి ప్రజలపై పన్నుల భారాన్ని మోపింది. పట్టణాల్లో చెత్త సమస్యే లేకుండా చేస్తామని చెప్పి డంపింగ్‌ యార్డులను వ్యర్థాలతో నింపేసింది.

అక్టోబరు 2 వ తేదీకల్లా పరిష్కారం: గత ప్రభుత్వ నిర్వాకంతో డంపింగ్‌ యార్డుల్లో పేరుకుపోయిన వ్యర్థాల సమస్యను పరిష్కరించి ఈ ఏడాది అక్టోబరు 2 నాటికి స్వచ్ఛ నగరాలు, పట్టణాలుగా అభివృద్ధి చేయాలని ప్రభుత్వం నిర్ణయించింది. వీరు ఇచ్చే నివేదికల ఆధారంగా తదుపరి చర్యలు తీసుకోనున్నారు.

విద్యుత్తు ఉత్పత్తి ప్లాంట్లకు వ్యర్థాల తరలింపు ప్రణాళిక:రాజమహేంద్రవరం, కాకినాడ నగరపాలక సంస్థలతోపాటు మరో 12 పురపాలక సంఘాలు, నగర పంచాయతీలను ఏర్పాటు చేయనున్నారు. అవసరాల రీత్యా ఏలూరు, పశ్చిమగోదావరి జిల్లాల్లోని కొన్ని పురపాలక సంఘాలను ప్రతిపాదించారు. నెల్లూరు, తిరుపతి, ఒంగోలు నగరపాలక సంస్థలతోపాటు మరో 15 పురపాలక సంఘాలు, నగర పంచాయతీలు వీటని నెలకొల్పనున్నారు. కర్నూలు, అనంతపురం, కడప నగరపాలక సంస్థలతో సహా 18 పురపాలక సంఘాలు, నగర పంచాయతీలతో ఇది కలిగి ఉంది.