మంగళగిరి నరసింహస్వామి వారిని దర్శిచుకున్న సభాపతి

మంగళగిరి శ్రీ లక్ష్మీ నరసింహస్వామి వారి ఆలయాన్ని సభాపతి తమ్మినేని సీతారామ్ సతీసమేతంగా దర్శించుకున్నారు. ఆలయ అభివృద్ధికి తన వంతు కృషి చేస్తానన్నారు. సభాపతి దంపతులకు ఆలయ అర్చకులు తీర్థప్రసాదాలు అందజేశారు.

గుంటూరు జిల్లా మంగళగిరి శ్రీ లక్ష్మీ నరసింహస్వామి ఆలయాన్ని అన్ని విధాల అభివృద్ధి చేస్తామని సభాపతి తమ్మినేని సీతారామ్ చెప్పారు. శనివారం రాత్రి స్పీకర్ దంపతులు స్వామి వారిని దర్శించుకున్నారు. ఆలయ అధికారులు సభాపతికి పూర్ణకుంభంతో స్వాగతం పలికారు. అనంతరం స్వామి వారికి సభాపతి దంపతులు ప్రత్యేక పూజలు చేశారు. ఆలయ ఈవో స్పీకర్​కు స్వామి వారి తీర్థప్రసాదాలు అందజేశారు. పానకాల శ్రీ లక్ష్మీ నరసింహస్వామి ఆలయానికి, గండాలయస్వామి ఆలయానికి రోప్​వే నిర్మిస్తామని సభాపతి అన్నారు. ఆలయ అభివృద్ధి విషయాన్ని ముఖ్యమంత్రి జగన్ దృష్టికి తీసుకువెళ్తామన్నారు.

ఇదీ చదవండి : వాన నీటిని ఒడిసిపట్టండి: సర్పంచులకు ప్రధాని లేఖ