దేశానికి మోదీ వంటి కాపలాదారు అవసరం: పురందేశ్వరి

దేశానికి మోదీ వంటి కాపలాదారుడు కావాలని విశాఖ ఎంపీ అభ్యర్థి పురందేశ్వరి అభిప్రాయపడ్డారు. సింహాచలం, భీమిలి నియోజకవర్గాల్లో ఎన్నికల ప్రచారం చేశారు. భాజపాను గెలిపించాల్సిందిగా ఓటర్లను అభ్యర్థించారు.

విశాఖ జిల్లా సింహాచలం, భీమిలి నియోజకవర్గాలలో భాజపా ఎంపీ అభ్యర్థి పురందేశ్వరి ఎన్నికల ప్రచారం నిర్వహించారు. భీమిలి ఎమ్మెల్యే అభ్యర్థి కోరాడ అప్పారావుతో కలిసి నియోజకవర్గంలో పర్యటిస్తూ భాజపాకు ఓటు వేయాలని కోరారు. సింహాచలంలో పర్యంచిన ఆమె...అప్పన్న స్వామి ఆలయంలో ప్రత్యేక పూజలు చేశారు. ప్రధాని మోదీ మాస్కులు ధరించిన భాజపా కార్యకర్తలు ప్రచార ర్యాలీలో పాల్గొన్నారు. లోక్​సభ ఎన్నికల్లో నరేంద్ర మోదీ విజయం తథ్యమనిపురందేశ్వరి దీమా వ్యక్తం చేశారు. దేశ యువత మోదీ నాయకత్వాన్ని కోరుకుంటున్నారన్నారు. ప్రపంచదేశాలలో భారత్​ను అగ్రస్థానంలో నిలిపిన ఘనత మోదీదని చెప్పారు.

ఇవీ చూడండి :సాగర తీరంలో భారత్ - ఆస్ట్రేలియా నౌక విన్యాసాలు