శారదా చిట్ కుంభకోణం కేసులో కోల్కతా పోలీసు కమిషనర్ రాజీవ్ కుమార్ పై ప్రశ్నల వర్షం కురిపిస్తోంది కేంద్ర దర్యాప్తు సంస్థ. షిల్లాంగ్లో జరుగుతోన్న విచారణ అర్థరాత్రి వరకు కొనసాగే అవకాశం కనిపిస్తోంది. స్వయంగా ఓ సీబీఐ అధికారే ఈ విషయం వెల్లడించారు.
ఉదయం 11 గంటలకు షిల్లాంగ్ ఓక్లాండ్ సీబీఐ కార్యాలయంలో ప్రశ్నల మారథాన్ ప్రారంభమయింది. సుప్రీం మార్గదర్శకాలను అనుసరించి విచారణ జరుపుతున్నామని అధికారులు పేర్కొన్నారు.
శారదా చిట్ కుంభకోణంపై అప్పట్లో సిట్ అధికారిగా రాజీవ్కుమార్ని పశ్చిమబంగ ముఖ్యమంత్రి మమతా బెనర్జీ నియమించారు. అయితే దర్యాప్తులో కుమార్ అక్రమాలకు పాల్పడ్డారని ఆరోపణలతో కేసును కోర్టు కేంద్ర దర్యాప్తు సంస్థకు బదిలీ చేసింది.
విచారణ నిమిత్తం ముగ్గురు అధికారులతో కూడిన కేంద్ర దర్యాప్తు బృందం షిల్లాంగ్ చేరింది. ఎటువంటి వివాదాలకు తావులేకుండా ఉండేందుకే షిల్లాంగ్ని ఎంచుకున్నట్లు సీబీఐ అధికారులు తెలిపారు.
