వైకాపాకు పడే ఓట్లన్నీ... భాజపాకు వేసినట్లే!

రాష్ట్రంలోని అన్ని నదులనూ అనుసంధానం చేయటం ద్వారా అనంతపురం జిల్లాను ఉద్యానపంటలకు చిరునామాగా నిలిపామని ముఖ్యమంత్రి చంద్రబాబు మడకశిరలో తెలిపారు. వైకాపాకు ఒక్క ఓటు వేసినా... భాజపాకు వేసినట్లే అని ప్రజల్ని బాబు హెచ్చరించారు.

పంటకుంటలులక్ష తవ్వించి ఎడారిలాంటి అనంతపురం జిల్లాను ఉద్యాన పంటల కేంద్రంగా మార్చామని సీఎం చంద్రబాబు అన్నారు. అనంతపురం జిల్లా మడకశిరలో తెదేపా ఎన్నికల ప్రచారానికిచంద్రబాబు హాజరయ్యారు. నదులను అనుసంధానం చేసిమడకశిర, కుప్పం ప్రాంతానికీనీళ్లు తీసుకొచ్చామన్నారు. కరవు జిల్లాకు నీరు తెచ్చేందుకు ఎంతో కష్టపడ్డామని తెలిపిన సీఎం.. నీతిగా ఉన్న తమపై ప్రధాని మోదీ కక్ష కట్టారన్నారు. వైకాపాకు ఒక్క ఓటు వేసినా.. భాజపాకు వేసినట్లేనని సీఎం హెచ్చరించారు. పోలవరం కట్టేందుకు వీలు లేదని కేసీఆర్ అంటున్నారన్న బాబు.. శ్రీశైలం, సాగర్‌, పోతిరెడ్డిపాడు, ముచ్చుమర్రిపైనా వివాదాలు రేపుతున్నారని మండిపడ్డారు. మహిళలకు పసుపు కుంకుమ ఇస్తూ ఎల్లప్పుడూ అండగా ఉంటానని చెప్పారు. రుణమాఫీ నగదు ఏప్రిల్ తొలివారంలో రైతుల ఖాతాల్లో పడతాయని భరోసా ఇచ్చారు. జగన్ వస్తే రాష్ట్రానికి పరిశ్రమలు రావన్న సీఎం.. జాబు రావాలంటే బాబు మళ్లీ మళ్లీ రావాలని స్పష్టం చేశారు.

ఇవి కూడా చదవండి:హోదా కోసం కేసీఆర్​తో కలిస్తే తప్పేంటి