విజయనగరం జిల్లా బాబామెట్టలో ఉన్న హజరత్ ఖాదర్ వలీబాబా దర్గాను హోంమంత్రి చిన్నరాజప్ప దర్శించుకున్నారు. దర్గాకు విచ్చేసిన హోంమంత్రికి దర్గా నిర్వాహకులు సాదర స్వాగతం పలికారు. వలిబాబాకు చినరాజప్ప చాదర్, పుష్పాలు సమర్పించారు. అనంతరం దర్గాలో చేస్తున్న సేవా కార్యక్రమాలపై నిర్వాహకులను అడిగి తెలుసుకున్న ఆయన.. బాబాను దర్శించుకొవడం అదృష్టంగా భావిస్తున్నానని తెలిపారు.
వైకాపా నేత విజయసాయిరెడ్డి ఒక ఆర్థిక నేరస్థుడన్న ఆయన... చంద్రబాబు, లోకేశ్లపై విజయసాయిరెడ్డి అర్థం లేని విమర్శలు చేస్తున్నారన్నారు. వైకాపా నేతలు తమ తప్పులు కప్పి పుచ్చుకొని ఇతరులపై విమర్శలు చేస్తున్నారన్నారు. వైకాపా-భాజపాతో కలిసి రాష్ట్రంపై కుట్రలు పన్నుతున్నారని ఆరోపించారు. భాజపా చెప్పినట్లు ఎన్నికల సంఘం నడుస్తుందన్నారు. సార్వత్రిక ఎన్నికల్లో 110 ఎమ్మెల్యే సీట్లు, 18 నుండి 20 ఎంపీ సీట్లు గెలుస్తామని హోంమంత్రి ధీమా వ్యక్తం చేశారు. మళ్లీ చంద్రబాబే సీఎం అవ్వడం ఖాయమన్నారు.
ప్రభుత్వ పాలన వ్యవహారాల్లో సీఎస్ కలగచేసుకుంటున్నారన్న చినరాజప్ప రాష్ట్రంలో పరిస్థితులు దృష్ట్యా సీఎం చంద్రబాబు సమీక్షలు చేస్తున్నారన్నారు. ఫొని తుపాను ప్రభావంపై ప్రజలు అప్రమత్తంగా ఉండాలని సీఎం చంద్రబాబు సూచించినట్లు తెలిపారు. శ్రీకాకుళం, విజయనగరం, విశాఖపట్నంలో అధికంగా వర్షాలు పడే అవకాశం ఉందన్న చినరాజప్ప.. ప్రజలు, మత్స్యకారులు అప్రమత్తంగా ఉండాల్సిందిగా కోరారు.
ఇవీ చూడండి : ప్రధానికున్న వెసులుబాటు సీఎంలకు ఎందుకు లేదు?