పార్టీ ఫిరాయింపుల వ్యాజ్యాలు కొట్టివేత

వైకాపా నుంచి తెదేపాలోకి వెళ్లిన 22 మంది ఎమ్మెల్యేలపై నమోదైన వ్యాజ్యాల్ని హైకోర్టు కొట్టేసింది. వీళ్లంతా పార్టీ ఫిరాయించారని అనర్హులుగా ప్రకటించాలని అభ్యర్ధిస్తూ దాఖలైన రెండు పిటిషన్లు... విచారణ అర్హమైనవి కావని తేల్చింది.

వైకాపా నుంచి తెదేపాలోకి వెళ్లిన 22 మంది ఎమ్మెల్యేలపై నమోదైన వ్యాజ్యాల్ని రాష్ట్ర హైకోర్టు కొట్టేసింది. వీళ్లంతా పార్టీ ఫిరాయించారని.. అనర్హులుగా ప్రకటించాలని అభ్యర్ధిస్తూ దాఖలైన 2 పిటిషన్లువిచారణ అర్హమైనవి కావని తేల్చింది. మంత్రి అఖిలప్రియపై దాఖలైన వ్యాజ్యంపై ఉమ్మడి హైకోర్టు ఇచ్చిన తీర్పును ఈ సందర్భంగా రాష్ట్ర ధర్మాసనం గుర్తు చేసింది.

వైకాపా తరఫున గెలుపొంది తెలుగుదేశంలోకి వెళ్లిన 22 మంది ఎమ్మెల్యేలపై చర్యలు తీసుకోవాలని... ప్రకాశం జిల్లా గిద్దలూరు మాజీ ఎమ్మెల్యే అన్నా వెంకట రాంబాబు 2018లో హైకోర్టులో ప్రజాహిత వ్యాజ్యం వేశారు. ఇదే అంశంపై వి.సతీషన్ కుమార్ అనే వ్యక్తి...మరో వ్యాజ్యం వేశారు. ఎమ్మెల్యేలను తక్షణమే అనర్హులుగా ప్రకటించాలని పిటిషనర్ తరఫు న్యాయవాది కోరారు. ఫిరాయింపు అంశం సభాపతి వద్ద పెండింగ్‌లో ఉండగా... కోర్టును ఆశ్రయించడాన్ని అడ్వకేట్ జనరల్ తప్పుపట్టారు. అందుకే పిటిషన్‌ కొట్టివేయాలని వాదించారు. ఇరు వర్గాల వాదనలు విన్న న్యాయస్థానం 2 వ్యాజ్యాలను కొట్టేసింది.