250 రైళ్లకు గుజ్జర్ల బ్రేకులు

రిజర్వేషన్ల కోసం రాజస్థాన్​లో రైలు పట్టాలపై గుజ్జర్​లు చేపడుతోన్న నిరసనలు మూడో రోజుకు చేరాయి. దీనితో దేశవ్యాప్తంగా 250కి పైగా రైళ్ల రాకపోకలకు అంతరాయం ఏర్పడింది.

రిజర్వేషన్ల కోసం రాజస్థాన్​ సవాయ్​ మాదోపూర్​ జిల్లాలో రైలు పట్టాలపై గుజ్జర్లు చేపడుతోన్న ఆందోళనల ప్రభావం దేశవ్యాప్తంగా మొత్తం 250కి పైగా రైళ్లపై పడింది. ఉత్తర రైల్వే పరిధి​లో 20 రైళ్లను రద్దు చేశారు. ఏడింటి దారి మళ్లించారు. మరికొన్ని ఆలస్యంగా నడుస్తున్నాయి.

ప్రభుత్వ ఉద్యోగాలు, విద్యా సంస్థల్లో 5 శాతం కోటా కోరుతూ గుజ్జర్​లతో పాటు మరో నాలుగు సామాజిక వర్గాల వారు గత మూడు రోజుల నుంచి రైలు మార్గాలపై బైఠాయించారు.

ఫిబ్రవరి 10 నుంచి 13 వరకు ఉత్తర రైల్వే పరిధిలో 73 రైళ్ల రద్దు, దారి మళ్లింపు చేసినట్లు అధికారులు తెలిపారు