న్యాయం కోసం భర్త ఇంటి ముందు ధర్నా
కృష్ణా జిల్లాలో ఓ వివాహిత.. భర్త ఇంటిముందే ఆందోళనకు దిగింది. అదనపు కట్నం కోసం హింసిస్తున్నారని ఆరోపిస్తూ ధర్నా చేసింది. కృష్ణా జిల్లా కంచికచర్ల మండలం పరిటాల గ్రామానికి చెందిన రాంబాబుతో స్రవంతికి నాలుగేళ్ల క్రితం వివాహమైంది. పెళ్లైన మూడునెలలకే భార్య భర్తల మధ్య మనస్పర్ధలు మొదలయ్యాయి. అదనపు కట్నం కోసం భర్త కర్ర రాంబాబు తనను మానసికంగా వేధింపులకు గురిచేస్తున్నారని భార్య స్రవంతి ఆరోపించింది. ఇదే విషయమై పోలీసులకు ఎన్నోసార్లు ఫిర్యాదు చేసినా.. వారి సమక్షంలో కౌన్సెలింగ్ జరిగినా భర్త మాత్రం తన వైఖరిని మార్చుకోలేదని చెప్పింది. ఇంటికి తాళం వేసి లోనికి రాకుండా అడ్డుకుంటున్నారని ఆందోళన కొనసాగించింది.
