విచారణకు హాజరు కావాల్సిందిగా శివాజీకి నోటీసులు

ఇవాళ ఉదయం నటుడు శివాజీని తెలంగాణ పోలీసులు అదుపులోకి తీసుకున్నారు. అలంద మీడియాకేసులో ఇప్పటికే లుకౌట్ నోటీసులు ఉన్నందున... ఇమ్మిగ్రేషన్ అధికారులు సైబర్ క్రైం పోలీసులకు సమాచారం అందించారు. శివాజీని అదుపులోకి తీసుకున్న పోలీసులు నోటీసులు ఇచ్చి ఈ నెల 11న హాజరు కావల్సిందిగా ఆదేశాలు జారీ చేశారు.

అలంద మీడియా కేసుకు సంబంధించి నటుడు శివాజీని పోలీసులు అదుపులోకి తీసుకుని వదిలిపెట్టారు. ఈ రోజు ఉదయం హైదరాబాద్​ శంషాబాద్ నుంచి అమెరికా వెళ్తున్న సమయంలో పోలీసులు అదుపులోకి తీసుకున్నారు. అలంద మీడియా కేసుకు సంబంధించి శివాజీపై లుకౌట్ నోటీసులు ఇదివరకే జారీ అయ్యాయి. ఈ మేరకు ఇమ్మిగ్రేషన్ అధికారులు పోలీసులకు సమాచారం అందించారు. శివాజీని అదుపులోకి తీసుకున్న పోలీసులు సైబరాబాద్ సైబర్ క్రైమ్ పీఎస్‌కు తరలించారు. అనంతరం నోటీసులు ఇచ్చి ఈ నెల 11న విచారణకు హాజరు కావల్సిందిగా ఆదేశాలు జారీ చేశారు.