నంద్యాలలో క్రికెట్ బెట్టింగ్ గ్యాంగ్ అరెస్టు

క్రికెట్ బెట్టింగ్​కు పాల్పడుతున్న ముగ్గురు నిందితులను నంద్యాల పోలీసులు అదుపులోకి తీసుకున్నారు. నిందితుల నుంచి భారీగా నగదు, ఎలక్ట్రానిక్ వస్తువులు స్వాధీనం చేసుకున్నారు.

కర్నూలు జిల్లా నంద్యాలలో క్రికెట్ బెట్టింగ్​కు పాల్పడుతున్న ముగ్గురిని పోలీసులు అరెస్ట్ చేశారు. నిందితుల వద్ద నుంచి రూ.25 లక్షల 43 వేల నగదు, ఒక కమ్యూనికేటర్, 5 సెల్ ఫోన్లు, 2 ల్యాప్​టాప్​లు, ఒక ఎల్.ఈ.డి టీవీ స్వాధీనం చేసుకున్నారు.

గుంటూరు జిల్లా మాచర్లలోని నెహ్రూనగర్ చెందిన సిద్ధారెడ్డి, కర్నూలు జిల్లా సిరివెళ్ల మండలం మహాదేవపురంకు రాజేష్ కుమార్, నంద్యాల శ్యామనగర్​కు చెందిన హారన్ బేగ్​లు ముఠాగా ఏర్పడి బెట్టింగ్​ నిర్వహిస్తున్నట్లు నంద్యాల డీఎస్పీ రాఘవేంద్ర తెలిపారు. ఐపీఎల్ మ్యాచ్​ల సందర్భంగా నిందితులు బెట్టింగ్​లు నిర్వహించినట్లు తెలిపారు.