'కిలోమీటరు పరిధి వరకు నాలుగంచెల భద్రతా'

విజయవాడలోని ధనేకులు ఇంజినీరింగ్​ కౌంటింగ్​ కేంద్రం వద్ద పటిష్ఠ బందోబస్తు చేపట్టామని..సీపీ ద్వారకా తిరుమలరావు తెలిపారు. లెక్కింపు కేంద్రానికి కిలోమీటరు పరిధిలో నాలుగంచెల భద్రతా వ్యవస్థ ఏర్పాటు చేశామని తెలిపారు. అదనపు సీసీ కెమెరాలతో ప్రత్యేక నిఘా చర్యలు తీసుకున్నామని వెల్లడించారు.

' స్ట్రాంగ్​ రూమ్​ల వద్ద సీఆర్పీఎఫ్​ బలగాలతో పహారా కాస్తాం. ఆ తర్వాత అంచెలంచెలుగా ఏపీఎస్పీ, సివిల్​, ఏఆర్​ పోలీసు బృందాలతో భద్రతా ఏర్పాటు చేశాం. కిలోమీటరు పరిధిలో సీసీ కెమెరాలతో నిఘా వ్యవస్థ పనిచేస్తోంది. వాటిని కంట్రోల్​ రూమ్​కు అనుసంధానించి..పర్యవేక్షిస్తాం. సమస్యాత్మక ప్రాంతాల్లో పోలీసు పికెటింగ్​ ఉంటుంది. పాసులు ఉన్నవాళ్లనే లోపలికి వెళ్లనిస్తాం. రిటర్నింగ్​ అధికారి ఆదేశాల మేరకే పోలీసులూ.. లోపలికి వెళ్లాల్సి ఉంటుంది. పార్కింగ్​ కోసం 12 ప్రదేశాలను సిద్ధం చేశాం. విజయోత్సవర్యాలీలకు 24 తేది తర్వాత షరతులతో కూడిన అనుమతిలిస్తాం. సమస్యాత్మక ప్రాంతాల్లో 144 సెక్షన్​ ఉంటుంది. ఎవరైనా నిబంధనలు అతిక్రమిస్తే కఠిన చర్యలు తీసుకుంటాం.'
--- ద్వారకా తిరుమలరావు, విజయవాడ పోలీస్​ కమిషనర్​.