Four Family Members Suspicious Death : తండ్రి, ముగ్గురు పిల్లలు మృతి.. పరారీలో తల్లి.. అసలేం జరిగింది?

Four Family Members Suspicious Death In Nuh : ఒకే కుటుంబానికి చెందిన నలుగురు తమ ఇంట్లో అనుమానాస్పద రీతిలో విగత జీవులుగా కనిపించారు. మృతుల్లో ముగ్గురు చిన్నారులు ఉన్నారు. మహారాష్ట్రలో జరిగిన మరో ఘటనలో ఠాణె మున్సిపల్​ కార్పొరేషన్ మాజీ మేయర్​ సోదరుడు తన భార్యను కాల్చి చంపి తానూ ఆత్మహత్య చేసుకున్నారు.

Four Family Members Suspicious Death In Nuh : హరియాణా.. నూహ్ జిల్లాలో ఓ వ్యక్తి, అతడి ముగ్గురు పిల్లలు అనుమానాస్పద రీతిలో మృతి చెందారు. అయితే వీరంతా ఆత్మహత్యకు పాల్పడ్డట్టు స్థానికులు చెబుతున్నారు. కాగా, మృతి చెందిన వ్యక్తి భార్య పరారీలో ఉన్నట్లు పోలీసులు తెలిపారు. ఈ మరణాలకు దారితీసిన కారణాలపై దర్యాప్తు చేపట్టారు.

పోలీసులు తెలిపిన వివరాల ప్రకారం.. రోజ్‌కమేవ్‌ పోలీస్‌స్టేషన్‌ గంగోలీ గ్రామంలో జీతన్ (38) అనే వ్యక్తి తన భార్య, ముగ్గురు పిల్లలతో నివసిస్తున్నాడు. జీతన్​, అతడి ముగ్గురు పిల్లలు ఇంట్లో అనుమానాస్పద రీతిలో చనిపోయారు. అయితే ఆ తర్వాత నుంచి జీతన్ భార్య కనిపించడం లేదు. ఆ మహిళనే తన భర్త, పిల్లలకు విషం ఇచ్చిందని గ్రామస్థులు ఆరోపిస్తున్నారు. స్థానికుల ద్వారా సమాచారం అందుకున్న పోలీసులు ఘటనా స్థలికి చేరుకుని.. మృతదేహాలను స్వాధీనం చేసుకున్నారు. పోస్టు మార్టం పరీక్షల నిమిత్తం నూహ్​లోని కమ్యూనిటీ హెల్త్​ సెంటర్​- సీహెచ్​సీకి తరలించారు.

ఈ ఘటనపై నూహ్​ డీఎస్పీ జితేంద్ర కుమార్​ రాణా స్పందించారు. ఈ ఘటనకు సంబంధించి ఇప్పటివరకు లిఖిత పూర్వకంగా ఫిర్యాదు అందలేదని తెలిపారు. శవ పరీక్ష నివేదిక వస్తే మృతికి గల కారణాలు వెల్లడవుతాయని చెప్పారు. దాని ఆధారంగా తదుపరి చర్యలు తీసుకుంటామని జితేంద్ర కుమార్ స్పష్టం చేశారు.

భార్యను కాల్చి చంపి.. గుండెపోటుతో తానూ..
మహారాష్ట్ర.. ఠాణె మాజీ డిప్యూటీ మేయర్ సోదరుడు తన భార్యను కాల్చి చంపాడు. అనంతరం అతడు గుండెపోటుతో అక్కడికక్కడే మృతిచెందాడు. శుక్రవారం రాత్రి జరిగిన ఈ ఘటనతో స్థానికంగా భయానక వాతవావరణం నెలకొంది. సమాచారం అందుకున్న పోలీసులు ఘటనా స్థలికి చేరుకుని ఇద్దరి మృతదేహాలను స్వాధీనం చేసుకున్నారు.

మృతురాలు

పోలీసులులు తెలిపిన వివరాల ప్రకారం.. ఠాణె మున్సిపాలిటీలోని కాల్వ ప్రాంతంలో శుక్రవారం రాత్రి 10.30 గంటలకు సమయంలో ఈ ఘటన జరిగింది. ఠాణె మాన్సిపల్ కార్పొరేషన్ మాజీ డిప్యూటీ మేయర్​ గణేశ్​ సాల్వే సోదరుడు.. దిలీప్​ సాల్వే తన భార్యను కాల్వలోని తన నివాసంలో కాల్చి చంపాడు. అనంతరం తాను గుండెపోటుతో కుప్పకూలాడు. ఈ ఘటన స్థానికంగా భయాందోళనకు గురించేసింది. సమచారం అందుకున్న పోలీసులు మృతదేహాలను స్వాధీనం చేసుకున్నారు. వీరికి ఒక కుమారుడు, కుమార్తె ఉన్నారు. ఈ ఘటనపై కేసు నమోదు చేసుకున్న పోలీసులు దర్యాప్తు చేపట్టారు.

నిందితుడు