టీకా ధ్రువపత్రానికి పాస్పోర్టు నంబర్ను జోడించుకునే అవకాశాన్ని కొవిన్ పోర్టల్ అందుబాటులోకి తెచ్చింది కేంద్రం. ఇందుకోసం ఏం చేయాలో వివరిస్తూ.. 'ఆరోగ్య సేతు యాప్' అధికారిక ఖాతాలో స్క్రీన్షాట్లను పెట్టింది. టీకా విధానంలో కేంద్రం ఇటీవల మార్పులు చేసిన నేపథ్యంలో ఈ ఫీచర్ను అందుబాటులోకి తీసుకువచ్చినట్లు తెలుస్తోంది.
ఇంతకీ ఎలా చేయాలంటే...
- step 1: cowin.gov.in పోర్టల్లోకి మొదట లాగిన్ కావాలి.
- step 2: రిజిస్టర్డ్ మొబైల్ నంబర్కు పక్కన, కుడివైపున 'రైజ్ యాన్ ఇష్యూ' అనే డ్రాప్డౌన్ కనిపిస్తుంది. దాన్ని క్లిక్ చేయాలి.
- step 3: రైజ్ యాన్ ఇష్యూ ఎంపిక చేసుకున్న తర్వాత.. 'యాడ్ పాస్పోర్ట్ డీటెయిల్స్' అనే ఆప్షన్ను ఎంచుకోవాలి.
- step 4: నాలుగో స్టెప్లో కొత్త పేజీలోకి వెళ్తాం. అందులో సెలెక్ట్ మెంబర్ క్లిక్ చేయాలి. ఎవరిదైతే పాస్పోర్ట్ను నంబర్ను యాడ్ చేయాలనుకుంటున్నారో వారి పేరును ఎంపిక చేసుకుని, నంబర్ను అక్కడ ఎంటర్ చేయాలి.టీకా ధ్రువపత్రంలో పాస్పోర్ట్ నంబర్ను యాడ్ చేసుకునే విధానం
పేరు వేరేగా ఉంటే ఇలా..
ఒకవేళ పాస్పోర్టులో ఉన్న పేరు.. టీకా ధ్రవపత్రంలో ఉన్న పేరు వేరేగా ఉన్నట్లైతే... step 1, step 2 తర్వాత 'రైజ్ యాన్ ఇష్యూ' ఆప్షన్ ఎంచుకోకుండా 'సర్టిఫికేట్ కరెక్షన్ ఆప్షన్'ను ఎంపిక చేసుకోవాలి.
ఆ తర్వాత కొత్త పేజీలోకి వెళ్తాం. అక్కడ ఎవరి వివరాలనైతే మార్చాలనుకుంటున్నామో వారి పేరును ఎంపిక చేసుకుని మార్చుకోవాలి. ఈ పేరును ఒకేసారి మార్చుకునేందుకు వీలు ఉండటం వల్ల పేరును ఎంటర్ చేసేటప్పుడు ఎలాంటి తప్పులు లేకుండా చూసుకోవటం తప్పనిసరి.
ఇదీ చూడండి: టీకా ధ్రువపత్రంలో తప్పులా? సరి చేసుకోండిలా..
