ఛత్తీస్గఢ్లో పెను విషాద ఘటన జరిగింది. ఆస్పత్రిలో నాలుగు గంటల పాటు విద్యుత్ సరఫరా నిలిచిపోవడం వల్ల చికిత్స పొందుతున్న నలుగురు నవజాత శిశువులు మృత్యువాత పడినట్లు కుటుంబసభ్యులు ఆరోపిస్తున్నారు. సుర్గుజా జిల్లాలోని అంబికాపుర్‌ మెడికల్ కళాశాల ఆస్పత్రిలో ఈ ఘటన జరిగినట్లు వారు తెలిపారు.
ఆస్పత్రిలో శిశువులు మృతి చెందిన ఘటనపై ఆ రాష్ట్ర ఆరోగ్య శాఖ మంత్రి స్పందించారు. ఆరోగ్యశాఖ కార్యదర్శి ఆధ్వర్యంలో విచారణకు ఆదేశించినట్లు తెలిపారు. విచారణ తర్వాత దోషులుగా తేలితే బాధ్యులపై కఠిన చర్యలు తీసుకుంటామని హెచ్చరించారు.
