2020కిగాను పద్మ పురస్కారాలను రాష్ట్రపతి రామ్నాథ్ కోవింద్ అందజేశారు. దిల్లీలోని రాష్ట్రపతి భవన్లో ఈ కార్యక్రమం జరిగింది. ఉపరాష్ట్రపతి వెంకయ్యనాయుడు, ప్రధాని నరేంద్ర మోదీ, కేంద్ర హోమంత్రి అమిత్ షా సహా ఇతర ముఖ్య నేతలు, ప్రముఖులు, ఈ కార్యక్రమానికి హాజరయ్యారు.
వివిధ రంగాల్లో విశేష సేవలందించిన వారికి దేశ అత్యున్నత పౌర పురస్కారాలైన పద్మశ్రీ, పద్మ భూషణ్, పద్మ విభూషణ్తో కేంద్రం ఏటా సత్కరిస్తోంది. అవార్డు ప్రదానోత్సవంలో మొత్తం 73మందికి పురస్కారాలు అందజేసినట్లు రాష్ట్రపతి భవన్ ప్రకటనలో తెలిపింది. ఇందులో నాలుగురికి పద్మ విభూషణ్, 8 మందికి పద్మ భూషణ్, 61 మందికి పద్మశ్రీ ఇచ్చినట్లు పేర్కొంది.
మరణానంతరం కేంద్ర మాజీమంత్రులు అరుణ్‌ జైట్లీ, సుష్మస్వరాజ్, జార్జ్‌ ఫెర్నాండేజ్‌కు పద్మవిభూషణ్ పురస్కారాలు దక్కాయి. జార్జ్‌ ఫెర్నాండేజ్‌ తరఫున ఆయన భార్య లీలా కబీర్‌ ఫెర్నాండేజ్‌ అవార్డును అందుకున్నారు. అరుణ్‌ జైట్లీ తరఫున ఆయన సతీమణి సంగీతా జైట్లీ పురస్కారాన్ని తీసుకున్నారు. సుష్మ స్వరాజ్ తరఫున ఆమె కుమార్తె బన్సూరీ స్వరాజ్ అవార్డును అందుకున్నారు.
పద్మ అవార్డులు తీసుకున్న ప్రముఖులలో భారత స్టార్ షట్లర్ పీవీ సింధు, బాలీవుడ్ సింగర్ అద్నాన్ సమీ, భారత మహిళ హాకీ జట్టు కెప్టెన్ రాణి, బాలీవుడ్ నటి కంగనా రనౌత్ ఉన్నారు.
ఇదీ చదవండి: 94వ పడిలోకి అడ్వాణీ- వెంకయ్య, మోదీ శుభాకాంక్షలు
