హరియాణా మాజీ ముఖ్యమంత్రి ఓం ప్రకాశ్ చౌతాలా 86 ఏళ్ల వయసులో 10వ తరగతి(10th class result) పాసయ్యారు. ఆగస్టు 18వ తేదీన పదో తరగతి ఆంగ్లం పరీక్ష రాయగా.. తాజాగా ఫలితాలు వెలువడ్డాయి. ఇంగ్లీష్ పేపర్లో చౌతాలా 88 మార్కులు సాధించారు. రాష్ట్ర పదో తరగతి బోర్డు చరిత్రలో.. ఉత్తీర్ణత సాధించిన అతిపెద్ద వయస్కుడిగా నిలిచారు చౌతాలా.
దిల్లీలోని తిహాడ్ జైలులో ఉన్న సమయంలో ముందుగా 10వ తరగతి, ఆ తర్వాత 12వ తరగతి పరీక్షలు రాశారు చౌతాలా. పదో తరగతి ఆంగ్లం పేపర్ ఫలితాలు రాకపోవడం వల్ల 12వ తరగతి ఫలితాలను పెండింగ్లో పెట్టారు.
చౌతాలా వయసు, చేతికి గాయమైన కారణంగా.. ఇంగ్లీష్ పేపర్ రాసేందుకు తొమ్మిదో తరగతి విద్యార్థి మల్కిత్ సాయం చేశాడు.
ఇదీ చూడండి: 4వ తరగతి పాసైన బామ్మలకు.. నారీశక్తి పురస్కారం
