Indian map on Dolo tablet: ప్రతి ఒక్కరిలోనూ ఏదో ఒక కళ దాగి ఉంటుంది. దానిని వెలికితీసి గుర్తించిన వారే గొప్పవారవుతారు. కేరళ కాసరగోడ్ జిల్లాకు చెందిన భవ్య అనే బాలిక చిన్నతనంలోనే అరుదైన ఘనత సాధించింది. భారత మ్యాప్ను డోలో మాత్రపై చిత్రీకరించి ఇండియా బుక్ ఆఫ్ రికార్డ్స్లో చోటు సంపాదించింది. 1.5 సెంటీమీటర్ల ఎత్తు, 1.2 సెంటీమీటర్ల వెడల్పు ఉన్న ఇంత చిన్న పరిమాణంపై భారత చిత్రపటాన్ని గీసి, ప్రతిభకు వయసుతో సంబంధం లేదని రుజువు చేస్తోంది.
Kerala girl Bhavya Dolo: ఇవే కాకుండా సచిన్ తెందూల్కర్‌, మలయాళ నటుడు మమ్ముటీ చిత్రపటాలను బాటిల్స్పై చిత్రికరించింది. వీటి కోసం కరోనా లాక్‌డౌన్‌లో దొరికిన సమయాన్ని ఉపయోగించుకున్నట్లు ఈ బాలిక తెలిపింది. ఆ సమయంలో 65కు పైగా వివిధ రకాలైన చిత్రలేఖనాలు బాటిల్స్పై చిత్రించినట్లు తెలిపింది. ఇవే కాకుండా పాకెట్ మనీ అవసరాల కోసం కేకులు తయారు చేసి అమ్ముతూ కొంత డబ్బు సంపాదిస్తొంది. పిట్టకొంచెం కూత ఘనం అంటే ఇదేనేమో మరి.
తొమ్మిదో తరగతి చదువుతున్న ఈ బాలిక ఎనిమిది సంవత్సరాల వయసు నుంచే భరతనాట్యం నేర్చుకుంటోంది. తన తల్లిదండ్రుల పూర్తి సహకారం వల్లే ఇవన్నీ సాధ్యమయ్యాయని అంటోంది.
ఇదీ చదవండి: చిట్టి చేతులతో అద్భుతాలు.. రెండున్నరేళ్లకే ప్రపంచ రికార్డులు
