Pakistan Abduct Fisherman: పాకిస్థాన్ మరోసారి తన వక్రబుద్ధిని చాటుకుంది. చేపల వేటకు వెళ్లి సముద్రంలో చిక్కుకున్న ఏడుగురు జాలర్లను అపహరించింది. గుజరాత్లోని ఓఖా తీరం వద్ద ఈ ఘటన జరిగింది. తమ చెరలో ఉన్న 20 మంది భారత జాలర్లను విడుదల చేసిన కొద్ది రోజులకే ఈ ఘటన జరగడం గమనార్హం.
ఇదీ జరిగింది..
ఓఖా పోర్టు నుంచి ఈనెల 18న తులసీ మైయా అనే బోటులో ఏడుగురు జాలర్లు చేపల వేటకు బయలుదేరారు. కొద్ది రోజులకు ఆ బోటు ఇంజిన్ పాడవడం వల్ల జాలర్లు సముద్రంలో చిక్కుకున్నారు. ఈ సమయంలో శుక్రవారం పాకిస్థాన్కు చెందిన అధికారులు బోటును హైజాక్ చేశారు.
ఈ బోటు.. మన్గ్రోల్ ప్రాంతానికి చెందిన వత్సల్ ప్రేమ్జీభాయ్ తపానియా అనే వ్యక్తిది అని అధికారులు వెల్లడించారు. చేపల వేట కోసం ఆ బోటును ఓఖా తీసుకువచ్చారని.. శుక్రవారం మధ్యాహ్నం తర్వాత సముద్రంలో చిక్కుకున్న ఆ బోటు నుంచి ఎలాంటి సమాచారం అందలేదని తెలిపారు. చివరగా ఆ బోటు యజమాని, జాలర్లతో మాట్లాడామని.. పాకిస్థాన్ వైపుగా బోటు వెళ్తున్నట్లు వారు వెల్లడించారు పేర్కొన్నారు.
సంబంధం కోసం వెతుకుతున్నారా? తెలుగు మాట్రిమోనిలో రిజిస్ట్రేషన్ ఉచితం!
ఇదీ చూడండి : చిన్నవయసులోనే సరిహద్దు దాటి.. హిందువునంటూ 15 ఏళ్లుగా..
