లాక్డౌన్ సమయంలో చాలా మంది కొత్త కళలు నేర్చుకున్నారు. మరికొంతమంది తమలో దాగున్న ప్రతిభకు పదును పెట్టారు. దిల్లీకి చెందిన ఓ బాలిక కూడా అదే తరహాలో సాధన చేసి.. ఓ అరుదైన రికార్డును తన సొంతం చేసుకుంది.
'ది డెడ్ ఎండ్' పేరుతో.. 50 పేజీల పుస్తకాన్ని కేవలం 90 నిమిషాల వ్యవధిలోనే రాసింది యమ్నా. మహిళలపై జరుగుతున్న హింసకు సంబంధించిన అంశాలను ఈ పుస్తకంలో ఆమె పొందుపర్చింది. దీంతో 'ఇంక్జోయిడ్ బుక్ ఆఫ్ రికార్డ్ 2021'లో ఆమె స్థానం సంపాదించింది. అంతేకాదు.. లాక్డౌన్ టైంలో ఒకటిన్నర నెలల వ్యవధిలోనే 53 పుస్తకాల స్క్రిప్టును సిద్ధం చేసింది యమ్నా. ప్రస్తుతం ఎనిమిదో తరగతి చదివే యమ్నా.. 'ఫాస్టెస్ట్ సోలో బుక్ రైటర్ 2021'గా ప్రపంచ రికార్డును కూడా తన ఖాతాలో వేసుకుంది.
చదువులోనూ టాప్..
యమ్నా చిన్నప్పటి నుంచి చదవుల్లో ముందంజలోనే ఉండేది. ప్రస్తుతం ఆమె రబియా పాఠశాలలో చదువుతోంది. యమ్నా తండ్రి మహమ్మద్ గుల్వేజ్ ఓ ఎలక్ట్రానిక్ వస్తువుల తయారీ సంస్థలో పని చేస్తుండగా.. ఆమె తల్లి ఓ గృహిణి. యమ్నా సాధించిన విజయాలకు తన కుటుంబ సభ్యులు, గురువులు, బంధువులు ఎంతో మురిసిపోతున్నారు.
ఎప్పటికైనా తాను ఓ పబ్లిషింగ్ హౌస్ను నెలకొల్పుతానని చెబుతోంది యమ్నా. భవిష్యత్తులో తాను ప్రొఫెసర్ను కావాలనుకుంటున్నట్లు తెలిపింది. పేద ప్రజలకు సాయం చేసేందుకు ఓ స్వచ్ఛంద సంస్థను కూడా ఏర్పాటు చేయాలనుకుంటున్నట్లు చెప్పింది.
ఇదీ చూడండి: నదిలో తేలియాడిన వేల గుడ్లు.. ఎగబడ్డ జనం
ఇదీ చూడండి: గ్రామాల్లోకి మొసళ్లు- ఇంటి పైకప్పుపై ఎక్కి...
