Civils main exam date 2021: అఖిల భారత సర్వీస్ కమిషన్(యూపీఎస్సీ) ఏటా నిర్వహించే సివిల్స్ సర్వీస్ మెయిన్ పరీక్షలు.. ముందస్తు షెడ్యూల్ ప్రకారమే జరగనున్నాయి. దేశంలో కరోనా వ్యాప్తి, పలు రాష్ట్రాల్లో ఆంక్షలు అమలు అవుతున్న నేపథ్యంలో ఈ మేరకు పరీక్షల నిర్వహణపై యూపీఎస్సీ వివరణ ఇచ్చింది. పరీక్ష రాసే అభ్యర్థులకు ఎలాంటి అసౌకర్యం కలగకుండా చర్యలు తీసుకోవాలని రాష్ట్ర ప్రభుత్వాలకు సూచించింది. ముఖ్యంగా.. కంటైన్మెంట్, మైక్రో కంటైన్మెంట్ జోన్ల నుంచి వచ్చే అభ్యర్థులు పరీక్ష సజావుగా రాసే విధంగా ఏర్పాట్లు చేయాలని తెలిపింది.
UPSC main exam date 2021
అవసరమైతే పరీక్షలకు హాజరయ్యే అభ్యర్థుల ఈ-అడ్మిట్ కార్డును.. ఆంక్షల సమయంలో ప్రయాణ పాస్లుగా గుర్తించి అనుమతించాలని యూపీఎస్సీ పేర్కొంది. ప్రస్తుత కొవిడ్ పరిస్థితిని అంచనా వేసి.. అభ్యర్థులకు నష్టం కలగకుండా ఈ నిర్ణయం తీసుకున్నామని వివరించింది. పరీక్షల ప్రారంభానికి ముందు రోజు(జనవరి 6) నుంచి పరీక్షలు ముగిసేంతవరకు.. రవాణా సౌకర్యాలు అందుబాటులో ఉంచాలని కోరింది.
UPSC news today
పరీక్ష నిర్వహణకు సంబంధించిన మార్గదర్శకాలను.. అన్ని పరీక్ష కేంద్రాల సూపర్వైజర్లకు, జిల్లా అధికారులకు పంపినట్లు యూపీఎస్సీ వెల్లడించింది. కరోనా నేపథ్యంలో అభ్యర్థులు తగిన జాగ్రత్తలు తీసుకోవాలని మార్గదర్శకాల్లో సూచించింది. మాస్కులు తప్పనిసరిగా ధరించాలని, పారదర్శకంగా ఉండే హ్యాండ్ శానిటైజర్ బాటిల్ను అభ్యర్థులే వెంట తెచ్చుకోవాలని స్పష్టం చేసింది. పరీక్ష కేంద్రాలను పూర్తిగా శానిటైజ్ చేయాలని సూపర్వైజర్లకు సూచించింది. దగ్గు, తుమ్ములు, జ్వరం వంటి లక్షణాలు ఉన్న అభ్యర్థుల కోసం ముందుజాగ్రత్తగా రెండు అదనపు గదులను సిద్ధం చేసుకోవాలని తెలిపింది.
Civils exam pattern
సివిల్స్ సర్వీస్ పరీక్ష.. ఏటా మూడు దశల్లో నిర్వహిస్తారు. ప్రిలిమ్స్, మెయిన్స్, ఇంటర్వ్యూ దశలను అభ్యర్థులు ఎదుర్కోవాల్సి ఉంటుంది. 2021కి సంబంధించిన సివిల్స్ మెయిన్ పరీక్షలు.. జనవరి 7, 8, 9, 15, 16 తేదీల్లో జరగనున్నాయి.
ఇదీ చదవండి: '8 రోజుల్లోనే 6.3 రెట్లు పెరిగిన కరోనా కేసులు'
