'రాజీవ్​కు నివాళిగా కిసాన్​ న్యాయ్​ యోజన'

మాజీ ప్రధాని రాజీవ్​ గాంధీ వర్ధంతి సందర్భంగా కాంగ్రెస్ అధినేత్రి సోనియా గాంధీ.. ఛత్తీస్​గఢ్​లో 'రాజీవ్​ గాంధీ కిసాన్ న్యాయ్ యోజన'ను ప్రారంభించారు. ఇది దివంగత నేత రాజీవ్​ గాంధీకి ఇచ్చిన ఘన నివాళి అని ఆమె అన్నారు. ఈ పథకం ద్వారా ఛత్తీస్​గఢ్​లోని 19 లక్షల మంది రైతులకు ప్రయోజనం కలుగుతుందని, మరింత భూమి సాగులోకి వస్తుందని ఆమె ఆశాభావం వ్యక్తం చేశారు.

కాంగ్రెస్ అధ్యక్షురాలు సోనియా గాంధీ వీడియో కాన్ఫరెన్స్ ద్వారా 'రాజీవ్​గాంధీ కిసాన్ న్యాయ్​ పథకాన్ని' ఛత్తీస్​గఢ్​లో ప్రారంభించారు. ఇది దివంగత రాజీవ్​ గాంధీకి ఇచ్చిన నిజమైన నివాళి అని ఆమె పేర్కొన్నారు.

మాజీ ప్రధాని రాజీవ్ ​గాంధీ వర్ధంతి సందర్భంగా ప్రారంభించిన ఈ పథకం రైతుల స్వావలంబనకు తోడ్పడుతుందని, వారి జీవితాల్లో మంచి మార్పు తీసుకొస్తుందని సోనియా ఆశాభావం వ్యక్తం చేశారు.

"ప్రజల జీవితాల్లో మార్పు తీసుకురావడానికి 'రాజీవ్​ గాంధీ కిసాన్​ న్యాయ్​ యోజన' లాంటి పథకాలను క్షేత్రస్థాయిలో అమలుచేయాలి. ఇది ఒక విప్లవాత్మక పథకం, రాజీవ్​ గాంధీకి నిజమైన నివాళి. ఆయన ఆదర్శాలకు అనుగుణంగా వేసిన పెద్ద ముందడుగు."

- సోనియా గాంధీ, కాంగ్రెస్ పార్టీ అధినేత్రి

హర్షించదగిన విషయం

కరోనా సంక్షోభం, లాక్​డౌన్​లతో పేదలు, రైతులు తీవ్ర ఇబ్బందులు ఎదుర్కొంటున్న వేళ... ఛత్తీస్​గఢ్ ప్రభుత్వం రాజీవ్​గాంధీ కిసాన్ న్యాయ్​ పథకాన్ని ప్రారంభించడం హర్షించదగ్గ విషయమని కాంగ్రెస్ నేత రాహుల్ గాంధీ ప్రశంసించారు.

రాజీవ్ గాంధీ కిసాన్ న్యాయ్ యోజన వల్ల 19 లక్షల మంది రైతులకు ప్రయోజనం చేకూరుతుందని, మరింత ఎక్కువ భూమి సాగులోకి వస్తుందని ఛత్తీస్​గఢ్ ముఖ్యమంత్రి భూపేశ్​ బఘేల్​ అన్నారు.

ఇదీ చూడండి: రెండు గంటల్లోనే లక్షన్నర టికెట్లు ఉఫ్!