'ఆ వ్యక్తిని పరిచయం చేస్తే.. కారు గిఫ్ట్​గా ఇస్తా'

కర్ణాటకకు చెందిన ఓ వ్యక్తి తన తల్లిని దేశవ్యాప్తంగా తిప్పి చూపించేందుకు చేసే ఉద్యోగం మానేసి.. 20 ఏళ్ల క్రితం నాటి స్కూటర్​పై మాతృసేవా సంకల్ప్​ యాత్ర చేపట్టాడు. దేశవ్యాప్తంగా ఉన్న అన్ని పుణ్యక్షేత్రాలకు తీసుకెళ్లాడు. మాతృమూర్తి రుణం తీర్చుకునే ప్రయత్నం చేసిన.. ఆ వ్యక్తిని పరిచయం చేస్తే అతనికి కారు బహుమతిగా ఇస్తానని ప్రకటించారు పారిశ్రామిక దిగ్గజం ఆనంద్ మహీంద్రా

అమ్మ అంటే ప్రాణం. కుటుంబమే జీవితంగా గడుపుతూ.. ఏనాడూ గడపదాటి బయటకు వెళ్లని తన తల్లిని దేశం మొత్తం తిప్పి చూపించాలని సంకల్పించాడు ఓ తనయుడు. ‘మాతృసేవా సంకల్ప్ యాత్ర’ పేరుతో స్కూటర్‌పై దేశాటన చేపట్టాడు. ఆయనే కర్ణాటకలోని మైసూర్​కు చెందిన డి. కృష్ణ కుమార్.

కృష్ణకుమార్​ తల్లి చూదరత్న సాధారణ గృహిణి. తన 70 ఏళ్ల జీవితంలో ఏనాడు బయట ఊరికి వెళ్లింది లేదు. ఒకరోజు మాటల సందర్భంలో ఇదే విషయాన్ని కుమారుడికి చెప్పింది. కనీసం ఊరిలోని దేవాలయం చూడలేదని.. హంపీ చూపించాలని కోరింది. అప్పుడే తల్లిని దేశంలోని ప్రముఖ పుణ్యక్షేత్రాలకు తీసుకెళ్లాలని సంకల్పించుకున్నాడు కృష్ణకుమార్​. అనుకున్నదే తడువుగా తాను చేస్తున్న బ్యాంకు ఉద్యోగం వదిలేసి.. దేశ పర్యటనకు బయలుదేరాడు. 'మాతృసేవా సంకల్ప్ యాత్ర' చేపట్టాడు. ఇందు కోసం 20 ఏళ్ల క్రితం నాటి చెతక్​ స్కూటర్‌‌ను ఎంచుకున్నాడు. ఈ ప్రయాణంలో తమతో పాటు తన తండ్రి ఉంటారనే భావనతో స్కూటర్‌ను ఎంచుకున్నట్లు తెలిపాడు.

ఏడు నెలల పాటు..

కశ్మీర్​ నుంచి కన్యాకుమారి వరకు దాదాపు అన్ని ప్రాంతాలు చుట్టేశారు తల్లీకొడుకులు. అలా 2018, జనవరిలో ప్రారంభమైన వీరి ప్రయాణం ఏడు నెలల పాటు సాగింది. 48,100 కిలోమీటర్లు పూర్తి చేసింది.

ఆనంద్​ మహీంద్రా ట్వీట్​..

ఈ విషయాన్ని మనోజ్ కుమార్ అనే వ్యక్తి ట్వీట్ చేశారు. అది మహీంద్రా సంస్థల అధినేత ఆనంద్ మహీంద్రాకు చేరింది. ‘'ఇది అందమైన కథ. ఇందులో మాతృప్రేమ మాత్రమే కాదు.. దేశభక్తి కూడా దాగుంది. షేర్ చేసినందుకు కృతజ్ఞతలు మనోజ్. అతన్ని నాకు పరిచయం చేస్తే.. మహీంద్రా కేయూవీ 100 ఎన్ఎక్స్‌టీ బహూకరిస్తాను. తమ తర్వాతి యాత్రను దానిలో చేయొచ్చు'.. అంటూ ట్వీట్​ చేశారు.

• A beautiful story. About the love for a mother but also about the love for a country... Thank you for sharing this Manoj. If you can connect him to me, I’d like to personally gift him a Mahindra KUV 100 NXT so he can drive his mother in a car on their next journey https://t.co/Pyud2iMUGY

  — anand mahindra (@anandmahindra) October 23, 2019 " class="align-text-top noRightClick twitterSection" data="

  A beautiful story. About the love for a mother but also about the love for a country... Thank you for sharing this Manoj. If you can connect him to me, I’d like to personally gift him a Mahindra KUV 100 NXT so he can drive his mother in a car on their next journey https://t.co/Pyud2iMUGY

  — anand mahindra (@anandmahindra) October 23, 2019

  ">

  A beautiful story. About the love for a mother but also about the love for a country... Thank you for sharing this Manoj. If you can connect him to me, I’d like to personally gift him a Mahindra KUV 100 NXT so he can drive his mother in a car on their next journey https://t.co/Pyud2iMUGY

  — anand mahindra (@anandmahindra) October 23, 2019

ఇదీ చూడండి: ఆసక్తి : భాజపాపై శివసేన పరోక్ష విమర్శలు!