కరోనా దెబ్బకు బిక్కుబిక్కుమంటూ లాక్డౌన్ జీవితం గడుపుతున్న ప్రజలను విశాఖలో గ్యాస్ లీకేజీ ఘటన మరింత ఆందోళనకు గురిచేసింది. అయితే.. గతంలోనూ ఇలాంటి సంఘటనలెన్నో జరిగాయి. అవేంటో ఓసారి చూడండి.
1984 డిసెంబర్ 2- భోపాల్ దుర్ఘటన.
1984 డిసెంబర్ 2వ తేదీ అర్ధరాత్రి దాటాక భోపాల్‌లోని యూనియన్‌ కార్బైడ్‌ ప్లాంట్లో.. 30 టన్నుల అత్యంత విషపూరితమైన వాయువు లీకైంది. మొత్తం 3,787 మంది ప్రాణాలు కోల్పోయారు. మృతుల సంఖ్యపై వేర్వేరు వాదనలు ఉన్నాయి. దాదాపు 16 వేల మందికిపైనే చనిపోయినట్లు సమాచారం.
2006 నవంబర్ 12
గుజరాత్ అంకలేశ్వర్లోని ఆయిల్ ఫ్యాక్టరీలో గ్యాస్ లీకై ముగ్గురు చనిపోయారు.
2010 జులై 16
బంగాల్లోని దుర్గాపూర్ ఉక్కు పరిశ్రమలో విషపూరిత కార్బన్ మోనాక్సైడ్ను పీల్చడం వల్ల 25 మంది అస్వస్థతకు గురయ్యారు.
2011 ఆగస్టు 2
కర్ణాటక జిందాల్ ఉక్కు కర్మాగారంలోని ఓ కొలిమి నుంచి విషపూరిత వాయువు లీకై.. ముగ్గురు కార్మికుల్ని బలిగొంది.
2013 మార్చి 23
తమిళనాడు తూత్తుకుడిలోని ఓ కర్మాగారం నుంచి విషవాయువు(సల్ఫర్ డైఆక్సైడ్గా అనుమానం) లీకైంది. ఒకరు మరణించారు. వందలాది మంది అస్వస్థతకు గురయ్యారు.
2014 జూన్ 5
తమిళనాడు తూత్తుకుడిలోని నైలా చేపల శుద్ధి కర్మాగారంలో.. గ్యాస్ పైప్లైన్ పేలి విషపూరిత అమోనియా వెలువడింది. ఈ ఘటనలో 54 మంది మహిళలు అపస్మారక స్థితిలోకి వెళ్లిపోయారు.
2014 ఆగస్టు 7
కేరళలోని కొల్లంలో రాష్ట్ర ప్రభుత్వం ఆధ్వర్యంలో నడిచే ఓ కర్మాగారం సమీపంలో 70 మంది పిల్లలు అస్వస్థతకు గురయ్యారు. ప్లాంట్ నుంచి వెలువడ్డ దట్టమైన పొగను పీల్చడమే కారణం.
2014 ఆగస్టు 27
బంగాల్లోని వర్ధమాన్లోని ఓ వెల్డింగ్ వర్క్షాప్లో సిలిండర్ నుంచి గ్యాస్ వెలువడింది. ఈ దుర్ఘటనలో ఇద్దరు మహిళలు చనిపోయారు. మరో 50 మంది ఆరోగ్యంపైనా తీవ్రప్రభావం చూపింది.
2014 జులై 13
ఛత్తీస్గఢ్లోని భిలాయీ ఉక్కు పరిశ్రమలో గ్యాస్ లీకైంది. ఈ ఘటనలో డిప్యూటీ మేనేజర్ బీకే సింఘాల్, ఎన్కే కటారియా, మరో ఐదుగురు ఉన్నతాధికారులు మరణించారు.
2016 నవంబర్ 3
గుజరాత్ నర్మదాలోని ఫర్టిలైజర్స్ అండ్ కెమికల్స్ లిమిటెడ్ కర్మాగారంలో విషపూరిత ఫాస్ఫరస్ లీకై.. నలుగురు కార్మికులు చనిపోయారు. మరో 13 మంది ఆసుపత్రుల్లో చేరారు.
2017 మార్చి 15
ఉత్తర్ప్రదేశ్లోని కాన్పుర్లో విషాదకర ఘటన జరిగింది. ఓ కోల్డ్ స్టోరేజీలోని గ్యాస్ ఛాంబర్లో అమోనియా గ్యాస్ లీకైంది. భవనం పైకప్పు కూలి.. 9 మంది చనిపోయారు.
2017 మే 8
దిల్లీ తుగ్లకాబాద్ ప్రాంతంలో విషవాయువు లీకైంది. ఈ ఘటనలో రాణి ఝాన్సీ సర్వోదయ కన్యా విద్యాలయ బాలికల పాఠశాలకు చెందిన 475 మంది విద్యార్థులు, 9 మంది ఉపాధ్యాయులు ఆసుపత్రి పాలయ్యారు.
2018 మే 3
గుజరాత్ భరూచ్ జిల్లాలోని వ్యర్థాల రీసైక్లింగ్ కర్మాగారంలో గ్యాస్ లీకై.. ముగ్గురు మరణించారు.
2018 జులై 3
ఉత్తర్ప్రదేశ్లోని ఉన్నావ్లో ఓ కర్మాగారంలో విషవాయువు వెలువడి.. ముగ్గురు అక్కడికక్కడే చనిపోయారు. మరో ఇద్దరు తీవ్ర అస్వస్థతకు గురయ్యారు.
2018 జులై 12
ఆంధ్రప్రదేశ్ అనంతపురం జిల్లాలోని ఉక్కు పరిశ్రమలో గ్యాస్ లీకై.. ఆరుగురు కార్మికులు చనిపోయారు.
2018 డిసెంబర్ 3
మహారాష్ట్ర రత్నగిరి జిల్లాలోని రసాయన కర్మాగారంలో అమోనియా వాయువు వెలువడింది. ఈ ఘటనలో 14 మంది అనారోగ్యం పాలై ఆస్పత్రుల్లో చేరారు.
2019 మే 12
మహారాష్ట్ర తారాపూర్లోని కెమికల్ యూనిట్లో విషవాయువు లీకై.. సూపర్వైజర్ సహా ముగ్గురు ప్రాణాలు కోల్పోయారు.
2020 ఫిబ్రవరి 6
ఉత్తర్ప్రదేశ్ సీతాపూర్ జిల్లాలోని రసాయన కర్మాగారంలో విషవాయువు పీల్చి.. ముగ్గురు పిల్లలు సహా ఏడుగురు మరణించారు.
