దేశంలో 872కు పెరిగిన కరోనా మరణాలు

24 గంటల వ్యవధిలోనే దేశంలో 48 కరోనా మరణాలు నమోదైనట్లు కేంద్ర ఆరోగ్య మంత్రిత్వ శాఖ స్పష్టం చేసింది. ప్రస్తుతం దేశవ్యాప్తంగా 20 వేల 835 యాక్టివ్​ కేసులు ఉన్నట్లు ప్రకటించిన కేంద్రం.. దేశంలో మొత్తం మరణాలు సంఖ్యను 872కు పెరిగినట్లు వివరించింది.

దేశంలో కరోనా మరణాలు 872కు పెరిగాయి. 24 గంటల వ్యవధిలోనే 1396 కొత్త కేసులు, 48 మరణాలు నమోదైనట్లు కేంద్ర ఆరోగ్య మంత్రిత్వ శాఖ స్పష్టం చేసింది. ప్రస్తుతం దేశవ్యాప్తంగా కొవిడ్​ కేసులు 27 వేల 892కు చేరాయి. మొత్తం 6,185 మంది కోలుకోగా.. 20 వేల 835 యాక్టివ్​ కేసులున్నాయి.

భారత్​లో కొవిడ్​ వివరాలు

భారత్​లో వైరస్​కు కేంద్ర బిందువుగా ఉన్న మహారాష్ట్రలో అత్యధికంగా 342 మంది కొవిడ్​కు బలయ్యారు. అక్కడ బాధితుల సంఖ్య 8068గా ఉంది. రాష్ట్రంలో 1076 మంది కోలుకున్నారు. గుజరాత్​లో కరోనా మృతుల సంఖ్య 151కి చేరింది. తమిళనాడులో రికార్డు స్థాయిలో 1020 మంది వైరస్​ నుంచి కోలుకున్నారు.